:: استخارة ::

[ابو عبدالله القرني]

مدخل :

ماجيت اسومك مثل هالناس بالمال

ولا جيتك اصغر في عيونك ولا اطيح

جيتك بلهفة عاشق .. و عقل رجال

وقلب ٍ يشوف إن الحنايا.. مراجيح




استخرت الله على وصل وفراق ألفين مره
كلها كانت فراق وكان وصلك في الاخيره

يوم شفت البعد خيره خفت من بعدك وشره
واستخرت ألفين مره لين صار القرب خيره

بين موت القلب من فرقاك أو وصلٍ يضره
قلت أعيش العمر جنبك لو سقيتيني هجيره

ليه أحبك؟؟لان حبك ماترك في القلب ذره
كيف أحبك؟؟مثل ماصدر البحر يحضن جزيره

كم أحبك؟؟قد هذا الكون كله والمجره
وين أحبك؟؟أعشقك في كل أرض وكل ديره

أنتي أول وأنتي آخر من لها في الروح جره
وأنتي أجمل وأنتي أعذب من لها في البال حيره

صدقيني كنت أكذب سالفة :للعين قره
لين ماقرت عيوني فيك من يومك صغيره

تكبرين وتكبر الأحلام في صدري وأزرّه
خايف أفقد حلم عمري فيك لاصرتي كبيره

وهذا انا يومك كبرتي جيت وأقدامي تشّره
أستخير الله وأخاف أفقدك وأرجع وأستخيره

خوفتني خطوتي من دربك وماخفت شرّه
استخرت ألفين مره لين صار الدرب خيره



مخرج :

جيتك وقلبي فيه من عشق الاطفال

لا حب قال احب من غير تلميح

اما يعيش الطفل في صدر رجال

وإلا يموت الطفل بين المراجيح



للمجنون ((فهد المساعد ))

[ابو سديم]

صح لسان الشاعر فهد المساعد

وتسلم يابو عبدالله على النقل الراقي

لاهنت

[شِيخةّ الغِيد |❥]

،

صَح لسسان الشاعر الَمٌتألق فَهد الَمسساعد
ويسسَلم احساسكك ابوعبدالله القرني
علىّ هالنقل المُمَيز
ابياَت اكثر من رائَعهه
يعطيكك العافيهه

موُدتي ..

[ابو عبدالله القرني]

صح كلك ابو سديم
واشكر لك حضورك وتواجدك الراقي
لاتعبت يالغلا

[ملائكيه]

اختيار رائع
شكرا ابو عبدالله القرني
طابت اوقاتك

[غزلان]

الله الله
كلمآت رآئعه ومعآنيها أروٌع..
ذآئقتك مُتْرفه كعآدتك..
لآحرمنا الموٌلى من عذِبٍ عطآءك..
طِبَت بكل خير..