ملّيت من كثر الهمـوم = والضيم والصبر المرير

واشوف دنياي اظلمـت= ولا شفت منها لي بشير

ولا من صديقـاً وقفتـه = يبصر بها العقل الضرير

مـادام مالـي واسطـه = ولا لي قرابه مع وزيـر


ابا اختطف لي طايـره = واضرب بها البنك الكبير

واوفـي ديونـي كلهـا = واعيش في دنياي امير

وانا على الصيد السمين = يجرّني سلـك الحريـر

واذا وصلـت لغايـتـي = خله يصير اللي يصيـر

واذا شنقونـي مفخـره = ما يشنقون الا الخطيـر

والا الضعيف من البشر = عند العجايـز يستديـر

يلومني مـن لا سهـر = ما حس من بقعا هجيـر