نور القمر ..
ما هيب سطوة ضمير .. ولا قساوة جناب يوم اني ابطي .. ولا رديت مرسالك نقلت جرحي ولا زلت اشتكي من صواب همسك وحلو الحديث وروعة خصالك أخشى عليك الغرام و وحشة الاغتراب و اخاف من شي.. ما يطري على بالك الحب سلطة خفوق وقطعةٍ من عذاب كم عذّب انفس ..وكم في لوعته هالك لا صار ما للزمن وقفه يا كبر المصاب وياصبر عينٍ تطاول ..ليله الحالك قد كان لي فالهوى جسمٍ سليم و زهاب ودربٍ على سكّته.. ما يمشي السالك خاويت نور القمر..واسرفت فالاحتطاب ما طاب ليلي .. ولا مسراه يحلى لك يا الحب من علمك على القسى والغياب تجمع فالاضداد .. فال الله ولا فالك اما تجي في لقاء والا يامال الذهاب لا ترهق الروح في واديك وجبالك صافحتك بشوق واكرمتك بوبل السحاب وبين الضلوع النحاف اسكنتك لحالك صرت اتبعك مثل من يتبع طيوف السراب اشفق لبارد هواك ... و وارف ضلالك . |
صح لسآن قايلها وَ سلمت ذائقة نآقلهآ ..
اختيار مُبدع وردة الجوري .. لا عدمنآك .. |
الساعة الآن 05:01 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir