البرنسيسة
حرية ايصال الفكره المطلقه .. هو ان تعبر بما في داخلك بدون قيود او شروط
حرية ايصال الفكره المطلقه هو ان تحلق في فضاءات السرد والتعبير متى واين ما شئت .. نعم تلك هي الحريه .. كن كما انت تريد .. وليس كما يريدون ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ « البرنسيسه » آفاااا / منهو مزعل لي غصون النرجس الملفوف؟! آفا ليش الزهر ذبلت غصونه والورق ضامي انا ماقلت لا ارجع والاقي لونها مخطوف ؟! انا ماقلت لا تزعل حياتي مصدر الهامي ؟!! ترون ازعل اذا تزعل واذا ضاقت ماعاد اشوف ترون همومها همومي ترون الآمها الامي طلبتك ياوجع ترفق على هذا الحشا وتروف ترا كل الحشا ملكي وفوقه بصمة ابهامي دخيلك يالحجاج اللي عقدت الحاجب المعسوف تعًدل وانفرد تكفا وقل لعيونها نامي يضيق الكون لاضاقت عليها من الزمان ضروف واذا راقت على رايق هواها تبرد عضامي اميرة غيد .. سنيوره .. عليها من الوصوف وصوف يقصًر دونها شعري وتسقط هيبة اقلامي اذا فارقتها كني اخايل في سماي خسوف اذا قابلتها كني محقق اجمل احلامي الا ياحلو بسمتها اذا شفت البرد مصفوف تحده الجمرتين اللي ذبحني لونها الدامي خصور اقواس مفزوره تشابه فزرت الكرنوف نعومة قد متناسق على الاطراف مترامي حلاها من الحلا جنِد من جيوش الجمال صفوف فديتك يالجمال اللي غدى تجيندك الزامي يحارب بالرموش اللي كما صف الرماح وقوف ينيشن بالسهام اللي تراما والهدب رامي طلبتك يامزعلها وهاك ال كاش عل المكشوف تاسف للبرنسيسه .. بسرعه الحين قدامي انا خصمك اذا باقي تضايقها وبكره تشوف لجل خاطر اميرتهم افادي واربط حزامي اروح اشري لها ورده اميزها بلون الموف واجيها مسرع وطاير اسابق خطوة اقدامي على كثر الكلام اللي يصور رغبة الملهوف عجزت القى لها كلمه تصور رغبة هيامي حسن آل مشرف 🍁 |
بدايه
هلابك من جديد ابو احمد وكل عام وانت بخير كل عام وانت مبدع كل عام وانت منبع لجمال الحرف كل عام وانت راق .. نص لا اخفيك من كل جوانبه راقني هو اقل ما يقال عنه مكتمل من حيث .. -اختيار المفرده الجيده الجميله - التوظيف الجميل لها - ترابط فكرة النص خلال قرائتي له من البدايه للنهايه والموضوع مترابط ولم تنفك فكرته :
: شاعرنا الجميل دوما حسن ال مشرف صح لسانك بلا عدد على هذا الجمال وما ارويتنا به .. انا اعتقد انه فعلا فيه من يستحق ان ينطبق عليه ما حواه نص البرنسيسه ..
اوف مطلع خطييييييييير لافض فوك ودام حضورك تقييمي والفايف استارز ومودتي ، الشفق |
الفايف ستار وختم التميز لهذه الجميلة الرائعة ابا احمد
تسلم وصح لسانك وفكرك الراقي المميز مع اجمل وارق الامنيات |
ي رجل ي رجل ماشاء الله تبارك الله .الله يزيد الالفه ويزيدك من فضله ! اسمح لي أقول لك مجرم . لا مجنون ..لا لا جزل..لا لا مطنوخ .. والا تدري الاجمل ..الرائع المتقن .قصيد وحرف ومعنى..راق لي من اول بيت لاخر بيت .متماسكه ..وكل بيت اجمل من الثاني محافظ على رتم معين ..مبنى ومعني .. تسلم يراعك والانامل الذي أوكلت لها كتابة هذا القصيد الماتع الجميل ..دمت للابداع والجزاله منبع ي علم |
صح لسانك حسن ال مشرف
رائع واكثر كل عام وانت بخير |
ايش نرد وَ نقول .. !
خلصّت الكلام .. وَ اختصرت الشعر .. بل طوّعته عنوه إليك .. رح اقتبس من البدايه الأبيات اللي رنّانه في صدى لساني ..
عجيبه وَ رائعه كـ حرفك ..
خطاب لـ زعلتهآ وَ قوس حآجبها .. يا الله .. مجرم ..
لا والله إلا ارتفعت وتجلّت وَ تفردّت ..
الوصف هٌنا و حتى قراءة البيت وَ تركيبته ليست لـ شاعر بسيط ولن تكون .. !
تصوير المشهد وَ الحوار شيء يفوق الخيال ..
بلون الموف باقه لـ شِعرك .. http://up8.cc/img/qgn20061.gif*** حسن آل مُشرف .. وربّي انك اختصرت الشعر وَ الحرف .. اعذرني ع الإطاله لكنني مستمتعه بها وَ بقراءتها وبـ سير قافيتهآ .. صحّ الله لسانك من هنآ إلى مالايعلمون .. |
صح لسانك حسن ال مشرف
|
الغالي .. الشفق ابونايف استاذي وعزيزي .. سهم المحبه المخضرم .. غازي الفكري شمعة المنتدى .. اختي الفاضله أوركيدا الاخ الكريم .. الرحيل اختي .. اماني لكم صادق التحايا والود والامتنان اخجلتموني بحفاوة اطراءكم وروعة تشريفكم وما هذا الا بعض مما لديكم انتم نبع الابداع والتميز .. شكرا بعدد نجوم السماء واكثر وكل عام وانتم بالف صحة وخير:20YT0y: محبكم حسن ال مشرف |
الساعة الآن 07:38 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir