روحٍ بلا جسم
 

وين المطايا راح لي بالسرى نجم
نجمٍ ضياه اوغل على منحر الليل

خلفه على صدر الثرى قائم العزم
واجهد ركائب راحلٍ ماثنى الحيل

كني بكف الريح روحٍ بلا جسم
توارثته مواجع الدرب بالغيِل

انام في قوس التعب وانبري سهم
واعتاد وين القى بي القوس في قيل

يا اللي ورى ظلم الجفا قائم الرسم
اطلالكم طالت عليل الشغف ويل

ثكلى على درب الزمن تندب الوسم
لا ينسكب ماها ... ولا حَبَها كيل

قفرى غطاها القيض ما لدّها عسم
تكسر على ظلع الوجع غاية العيّل

وين المطايا ودّي ارحل مع النجم
اوغل مع سرب الضيا وانحر الليل

تحياتي
سالم العامري

رائعه
تستحق المكوث هنا طويلا

سلمت ي سالم ...

مودتي

احساس رائع اخي
وعميق جدا بحجم
المعنى والمراد
طاب لي المكوث هنا
فشكرا تصلك حيث انت ..!