نصّين للشاعر (الحميدي الثقفي)
شاعر عظيم ، مجدد كبير للشعر مفردةً وفكرة الحميدي الثقفي http://up.arab-x.com/Feb12/LkN13186.bmp الطائفي المبدع علمنا أبجديات الجمال وما زلنا نتتلمذ على قصائدة. اقرأوه ستجدون الشعر يسير من حروفه ، ~ ~ / 1 شمس ابجديه يارب هذا الطريق افعى تفـح وعتمـة اعشـاب ........ ظلمه وطين وبلل وعظـام نـاس امـوات حيـه الليل غابة ونبض انفاس صدري فـاس حطّـاب ....... تستنبت النـار فاكهـة الشتـا شمـس ابجديّـه من سلّة الريح من غيـم الصـدف لابلـل ثيـاب ........ من رجفة اللـون مـن تفّاحـة البـرد الشهيـه والشارع الصمت نهر اسود من المطـاط جلبـاب ........ يقرا صـدى خطـوة العابـر ملامـح سرمديـه ياموت وبيوت حارتنـا علـب سرديـن وتـراب ........ تـرى التعـدّي لغيـر اوّل قرابيـنـك زريــه الريح تصفر وينعق طيـر بـوم وتنبـح كـْلاب ......... ويضـج صمـت المدينـة كلنـا نـذر المنيـه قلت المدينه تثاوب في وهـن ونعـاس الابـواب ........ والناس مـن غيـر تلقـي بـال تلقـي بالتحيّـه ابسألـك صاحبـي خايـف ومتـردد ومـرتـاب ......... كم من سؤال يمـوت وينولـد ويمـوت فيـه ؟ هذا الحذر والتوجّس في الملامح مالـه اسبـاب ......... هذا الترقـب وهـذا الريـب والخـوف المعيّـه الصبر طبع الجمل طيّب عرفنـا سـر الاعجـاب ........ هذا الوفا في الكلاب الوافيـة طبـع وسجيّـه!! ابسألك صاحبي واقسى كمـا يقسـون الاحبـاب ......... وجهك هو القاتل المقتول مـن فيـك الضحيّـه ؟ عمرك مجرّد زمن تافه غبي جـوف الزمـن ذاب .......... من منبع الليل الـى صبـح المصبّـات القصيـه للجوع مخلاب من قـال ان ما للجـوع مخـلاب؟ ....... لا في الثـرى ضاجعتـك ولا ارضعتـك الرازقيـه ياحكمة الطيش ليش نخلـد الاسمـا والالقـاب؟ ...... مايمكن اسم الورود اشواك واسم الشمـس فيـه لو للغموض المبيـن وللبيـان الغامـض كْتـاب ........ محـدٍ بقـى لـي عليـه ولابقـى لاحـدٍ عليّـه عرفتني كنت انا صاحبْك واصحابك لـي اصحـاب .......... امـد لمصافحـك يـدّي تصافحـنـي يـديـه ؟ ابسألك عن ملامح وجه طفلٍ فـي القـرى غـاب .......... غيّبت .. والا القرى ياطفـل غابـت فيـك هيـّهقلت القرى واجهشت لك في البلاد رعوش الاعناب .......... والمشمش المسقوي واغصـان لـوزه عثريّـه والما تقول بـكظايمها زبرجد فـي المـدى راب ........... والعشب مجـدول بخيـوط الصباحـات النديـه ابسألك صاحبي غمّـض عليهـا جفـن واهـداب ........ ياما لصبح القرى مـن وشوشـات المـا هنيـه ــــــــــــــــــــــــــــــــــــــــــــــــــ ــــــــــــــ 2 ،،،، قميص الليل دخيل ركض الوجـع والآه والضمـه ....... ومتابع الركض .. لا تكّلف على شاني خلاص مني ومنك الحب فـــ الذمـه ....... تضاعفت من جروحك قـوة ايمانـي محسوبك ان جيت وان ماجيت ماهمه ....... وش ياخذ الدمع من تغميضة اجفاني انام وادخل قميص الليل مـع كمـه ....... واخرج صلاة الفجر مع كمه الثانـي اتنفس الفجـر الاول عاقـد الهمـه ....... واركض مع الناس .. والعن خيّر احزاني كرامة النفس عندي فوق فـــ القمـه ....... وتثور من دونها .. ناري ، ودخانـي ذبحت خيل الهوى .. واسقيتها دمـه ....... خليتها غصب تحمل جثة ( الجانـي) ياحالمه في دروب العشـق مهتمـه ....... عمري مهو لك رصيف احلام واشجاني عمري قصيده ( ردية حال ) (منسمه) ....... مافيني اوراق يا محبوبـة اغصانـي ،،، ،، ، صح لسانك الحميدي الثقفي ، ، لكم القراءة |
صح لسانه سلمت يمينك
ذوق باختيارك اخي الكريم جل احترامي وتقديري لك |
صح لسان قائلها
وسلمت يمين ناقلها وفقك الله وبارك فيك |
|
نصين رائعين
من شاعر ارووع كانت الشاعريه عاليه صح نبضه الثقفي وسلم ذوقك اخي جابر السلمي فلا تجلب الاالثمين لك احترام وتقدير جدار الصمت |
أخي الغالي جدار الصمت سلمت ودمت صدقت سيدي الحميدي الثقفي علامة بارزة ومهمة في الشعر الشعبي ، مرورك لا يقدر بثمن شكرا لك مودتي وتقديري |
[TABLE1="width:95%;background-color:black;"] | [/TABLE1][TABLE1="width:95%;background-image:url(' http://im25.gulfup.com/2012-03-03/1330756968601.gif');"] | [/TABLE1][TABLE1="width:70%;background-color:black;"] | [/TABLE1]كلماتك عذبة .. لها من الجمال والتألق الكثير والكثير لقد استمتعت جدا بما قرأت.. من عذب الكلمات والمعاني الجميلة لك ذوق وإحساس مرهف.. أنتظر المزيد من إبداعك. أرق التحايا لك http://im25.gulfup.com/2012-03-03/1330756968601.gif |
^^
^ أختي الغالية لحن الحياة العذبة دوما النصين للشاعر الحميدي الثقفي صح لسانه وانتي تسلمين على مرورك اسعدتيني باطلالتك وسيسعد الثقفي لو رأى هذا الرد الجميل تقديري و احترامي وشكرا يليق بك |
جابر السلمي
انتقاء مميز سلمت اناملك |
الساعة الآن 12:45 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir