كيف ما ازعل عليك؟
 

كيف ماتبغاني بس ازعل عليك..الا بزعل وأقلب الدنيا عليك..
هالدقيقة الحين اما انك تجيني..او قسم بالله بخربها واجيك

كيفك اتصرف ابا اشوفك تعال..بحضنك بتنفسك بلمس يديك..
عاد انا دقت في راسي اني اشوفك..بلتقيك الحين يعني بلتقيك

حس فيني ما بقت فيني مشاعر..حس فيني الله يرحم والديك..
لو تبيني ارتجيك او آتوسل..والله بتوسلك ووالله برتجيك

ماشي يا عمي انا ارجووووك تكفى..كان لي عندك قدر قول احتريك..
بأي طريقة اليوم انا ودي اشوفك..ما بقى فيني صبر افهم ابيك

وانته تتغلا وتشكي لي ظروفك..حتى انا عندي ظروف الله يهديك
كيف ابصبر وانت في كل الزوايا..وين ما اطالع خيالي بس فيك..

من هنا وهناك وفي كل الاماكن..لعنبوك القلب ذايب مهتويك
يا معيشني ما بين اصبر ويمكن..وانته تدري مالك بقلبي شريك..

يا رجاي وسوء ظني واعتقادي..لا تردني عاد دامي مشتريك
مبتلي بك ادري اني مبتلي بك..وادعي الله مثلي انه يبتليك..

لا إتتعذر غير مقبول اعتذارك..بلتقيك اليوم يعني بلتقيك..
يا تجيني الحين دامه باختيارك..او قسم بالله بخربها واجيك.

شلمار
يسلمو قلبي
مررره روعه
تسلمي ياذوق
اختك
صاحبة الفخامه

يعطيك العافيه
اخت شلمار ذائقه متميزه
تقبلي مروي

جدا رائعه
الله عليك شلمار
كلها والا ارتكاب جريمه
راقتني كثير
لا عدمنا اطلالتك
مودتي
,
الهزاع

انتقاء وجداني جميل
شلمار
سلمت الذائقه
شكري

شلمار
فضيعه كلماتها قلبي
يسلمو
ودي