علموّها وطمنوّها لو تطوّل في سفرها = والله لو اموت ما يموت في قلبي غلاها
خالده في قلب شاعرها ولاينزاح اثرها = فالهوى استسلم لها قلبي ولا ادري وش نواها
في سماءْ حبي ما بان من النجوم الا قمرها = وفي جميلات العرب ما به حلا يشبه حلاها
بالعيون اللي غرق مركب غرامي في بحرها = صوبتني بالرموش وشبّت بْقلبي لظاها
إيتفاخر عقدها لا ظم سلساله نحرها = زادته فنّ وجمال وفوق عاتقها يْتباها
وكان مع زود الجمال وروعته فلّة شعرها = واعنا قلب الحبيب اللي تعلّق في هواها
الزهور تغار بالاغصان من روعة زهرها = والبرد يحسد بياض الماسها رونق بهاها
والّعتني في هواها ولا جنيت الا ضررها = وقطعت رجاي وانا ما نويت اقطع رجاها
سافرت وابقت لي الاحزان واخطاني خبرها = وسْلبت من قلبي الافراح واهدتني جفاها
ما تركت في عيني الا دمعها والا سهرها =ولا اذخرت في روحي الا جروحٍ تْجدد عناها
غابة الاشواق تبكيها ويبكيها ثمرها = واغرقتني بالصدود ومات قلبي من ظماها
لكن الله لا يسامحها على كيّة جمرها = وحسبي الله حسبي الله كل ما اذكرها علاها

نص مميز بما احتوى
من الشعر
قرأتك قبل هذا النص ان لم
تخونني الذاكره ^ اتجاه البوصله

يشبهه في المعنى من حيث العتاب
والا الشاعريه في كلتيهما عاليه

مسفر الصفا
مبدع ولا جديد الا الابداع
بشوق ننتظر لبزوغ فجر نص ابداع جديد

دمت برضاً من الرحمن

الزهور تغار بالاغصان من روعـة زهرهـا
والبرد يحسد بياض الماسها رونـق بهاهـا
والّعتني في هواهـا ولا كسبْـت الا ضررهـا
وقطعت رجاي وانا ما نويـت اقطـع رجاهـا


شاعرنا مسفر بن جمعان

بوح بالمشاعر وتفنن واقتدار تميز بلا حدود

وهكذا عودتنا أبا هلال لا ترضى بأقل من التميز

لما تمتلك من إبداع يفوق كل إبداع

قدرات فذة وعمق فكر

لله درك يامسفر

صح لسانك ودمت بخير