|
التمثال
عفا الله عن خطا غدر الخناجر والضلـوع ابطـال
بسامح واتركك تحـت الظـلام الحالـك لحالـك دخيلك وفر دموعك تـرى هـدر الدمـوع اذلال وترى ما فيه أحد يصبر مثـل صبـري بغربالـك انا عيب علي أنقـض كلامـي والرجـال افعـال واذا قلت اقطـع احبالـك ترانـي بقطـع حبالـك عشان اكسب هدب عينك تجرعت العذاب اشكـال وليتـك تـرأف بحالـي علشـان ارأف بحـالـك مسوي في حياتـي شـي مـا يذكـر ولا ينقـال حشا حتى العدو وهو العدو مـا يعمـل اعمالـك تمسيني علـى الهـم وتصبحنـي علـى الغربـال تقلطنـي فناجيلـك وتقـصـر عـنـي دلالــك تحملت التعب لجلـك وانـا حملـي يهـد جبـال رحلت من العذاب وما وقفـت الا علـى جالـك علامك كل ما جيـك متواضـع جيتنـي تختـال؟ معاك اليا متي بصبر وصبـري معـك يحلالـك؟ مثل ما اقبلت لعيونـك لـزوم تلـد لـي باقبـال ومثل ما قد حشمتك حس واحشم قلبي اشوى لـك أنـا محـدن بجابرنـي أسايـر معـك هالمنـوال ترى لاني تبيـع لـك ولا نـي باصغـر عيالـك أنا جيت اعشقك نبض ومشاعر ما اعشقك (تمثال) أنا جيت اسكنك واحياك وابقى فيـك وابقـى لـك أنا جيت بظما عاشق تعب يطـرد سـراب الـلال أنا جيت استفز رضاك مـن فرقـاك والجـا لـك أنا ما همت بك عاقل أنـا كنـت اعشقـك بخبـال أنا ما كنت احبك حي أنـا كنـت اعشقـك هالـك تخيل من كثر ما اخـاف تلقـى للزعـل مدخـال أخاف اخطي على طيفك وادوس برجلي ظلالـك تبعتك والعـرب تتبـع رعـود البـارق الهمـال وانا شفت المطر يتبعـك فـي حلـك وترحالـك كأن اللي خلق حسنك خلقني مع جسـدك ظـلال وصرت اقرب جسد يمشي معك باقفـاك واقبالـك أبـي قلبـك يحـس انـه فقـد بمحبتـه رجـال ملكته من هدب عين وخسـرت رضـاه باهمالـك صحيح ان الفراق اقسى ولكـن الوصـال محـال أنا صعبن علي أرضي غرورك واضعـف قبالـك بعـد مـا حققـت عينـي فبعـدك للرقـاد امـال أعود للسهر؟ -- يا خـوي فـال الله ولا فالـك! ببدل نظرتك فيني واجـي لـك كـل يـوم بحـال بكون اقـرب مـن ثيابـك عليـك ولا تهيـا لـك بلمك وانثرك واجمعك وارجـع وانثـرك باهمـال بخونك وازعلك وارضيك وازعل منك وارضى لك أبرسم بالثرى وجهك وابدفـن صورتـك برمـال أبشكي للعرب فرقـاك واضحـك عنـد عذالـك أبهديك الوصال فراق واهديـك الفـراق وصـال بسوي مثل مـا شوفـك تسـوي وافعـل افعالـك عشان تعرف من فينا الزعول ومن وسيـع البـال أبيـك تـذوق فنجالـي وانـا بـذوق فنجـالـك نصيحة واحتفظ فيها قصر معك الزمـن أو طـال أبي تسمع كلامـي زيـن وتحطـه علـى بالـك اذا حبك هبال اطفال لـك عنـدي هبـال اطفـال ولا --- وابشر بعد بهبال حب ٍ ما هـو بهبالـك واذا قصدك تهين اسمي عشـان تشمـت العـذال ترى لا انته ولا غيرك --- ولا عشرة من اشكالك |
سلمت ذائقتك اخي عفناك
رائعه واكثر لك الشكر كله |
عفناك
سلم ذوقك اختيار جميل جدا لاهنت تقبل مرور وشكر جدار الصمت |
عفناك
يعطيك العافيه رائعه من جد اختك صاحبة الفخامه |
صح لسان مبدعها حامد زيد وسلمت الانامل والذائقه عفناك دمت برضاً من الرحمن |
آَبييااات جَمييله جدآ بصصرآحه راقت لِي و بششدهْ الله يعطيككْ آلف عافيييه يارآقِي بانتظار جديدك المٌميز دوماً ودي ... |
عفناك
جميله جدا التثمال سلمت ذائقتك تحياتي لك |
حامد زيد قامة شعرية في سماء الشعر
ذائقة متفردة سلم الذوق المميز دوماً عفناك |
اخوي عفناك يسلم لنا قولك ومنقولك
وننتظر المزيد ياعسل |
قلمك بستان لا حدود له واحساسك ينبوع ماء يتدفق اسجل اعجابي بما سطرت هنا واعذر تقصير قلمي امام عملاق قلمك صح لسانك. راق لي ما سطرته أنامـلك ننتظر جديدك بشوق |
| الساعة الآن 05:31 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir