قالت لي امي :)
السلام عليكم ورحمة الله وبركاته ، ، قالت لي امي :) قالت لي امي وانا مُنهك ومُتعب نكـد والوادي اللي على جغرافيا العين.. سال ،،، جابر وانا امك / ولا تعطي لقلبك أحد إلا لمن يستحي منها القمر (فالجَمَال) ،،، لك قلب لا من طريت الغيم ... يمِّه صعد ولك عين تشرب من الورد المصفى زلال ،،، استمطر الغيم و اتبع كل حنّة رعـــد وانسج من البرق حورية و معطف و شال ،،، من صغر سنك _ واظنه_ في زمااان المهد ما يستثيرك رغيف البُرْ ولعب العيال ،،، كنت تْعَدِي فالمطر وتشيل حب البَرَد وتقول يُمّه قدرت اجمع سنون الغزال :) ،،، تنظر لنوّ السحاب / تصيييح زيدي بعد كأنك تْقول ما ملت يديني وصـــال ،،، من يومها وانت قلب اخضر سكن به جسد أو يمكن انّه جــســـــد عيّــــــا خَضَاره يزال ،،، واسترسلت بالسوالف لين دمي جمد حتى لساني تعثّر بالحكي لين قال: ،،، يمه كفايه ... أنا مازلت عند الوعد قلبي مـاهو غصن لا مالت به الريح مال ،،، صحيح متهوّر أحياناً ، بأيّةْ بلـد أمُـرّها / والتقي للياسمينه ظلال ،،، لكنّ ! واللي رفع سقْفْ السما بْلا عـمــــد إني ولد .... راس ماله طِيب وآبن حلال ! ،،، القلب يمه انا ما اعطيته أيّةْ أحـــــد شوفيه يستنطق الغيمة ، جواب السؤال.... ،،، ،،، و سلامتكم جابر السلمي |
صباحك غيمه لم تمطر الا بجودك
هذا حجز ولي عوده رغم ان الشهيه على مصراعيها لكن لابد من القراءه لاشبع واشبع فضولي ثم ياتي الشعور |
|
ما اجمله من حوار بين الام وإبنها وعندما يأتي الحوار وتبتدئه الام يتوجب على الابن الانصات والسماع لما تقول وفهمه وتنفيذه تقربا الى الله ببرها أعجبتني طفولتك التي لم تعرف اللعب بل كنت تضع نفسك مكان الكبار لم تكن مثلهم فكنت تنظر الى الأفق وتنظر الى العليا عجبني في طفولتك تجميعك لاسنان الغزال كبرت وكبر الفكر وكان ولازال القلب خضر صح الله لسانك واعتلا شانك لاهنت ولا هان قولك لازم تفكر وتفكر كثير في كلام الوالدة واسأل الله ان يكسبك برها |
اتعبت من بعدك اخوي جابر..!!
صح لسانك استمعت كثير بقراءة النص والحوار اللي كان بينك وبين الوالده(الله يخليها لك ويطول بعمرها) شاعريه فذه ولك اسلوبك الخاص اللي يميزك عن غيرك اسجل اعجابي الشديد بشاعريتك اللامتناهيه ودي اقيم بس مااقدر لاني قيمت امس نص اخر من ابداعاتك لذلك سأكتفي بالفايف ستارز .." بانتظار جديدك دائماً آحترآمي لسموك.." |
أخي المبدع جابر السلمي أولاً رزقك الله بر والديك قصيدة رائعة بما حوت من فكرة ونص وجماليات لا يتقنها إلا جابر شاعر ممتلك للمفردات مبدع في التصوير صاحب خيال منهمر لكنّ ! واللي رفع سقْفْ السما بْلا عـمــــد إني ولد .... راس ماله طِيب وآبن حلال ! كفو والنعم فيك ودمت بخير |
،،، لكنّ ! واللي رفع سقْفْ السما بْلا عـمــــد إني ولد .... راس ماله طِيب وآبن حلال ! ،،، القلب يمه انا ما اعطيته أيّةْ أحـــــد شوفيه يستنطق الغيمة ، جواب السؤال.... جابر السلمي هنا قصيدة تعانق الغمام بالجزاله والابداع الذي هو ابرز سمات قصائد هذا الفتى السلمي المبدع سجل اعجابي بقصائدك ومحبتي لشخصك الكريم حفظك الله |
|
أخي الغالي الكبير مقاما ومكانة أبو دماس وما أجمل إطلالتك المضيئة سيدي طفولتناكانت براءة وتعلق بالمطر ومراويح السحاب كم نفقدها يا ابا دماس! شكرا لتكريمي بحضورك الأجمل من النص وكاتبه قراءتك لما أكتب تشعرني بالسعادة والزهو صح بدنك وتسلم لي ولا هنت انت سيدي ، الله يكسبنا رضا الوالدين شرفتني كلمة وتواجد ومتابعة لا حرمت ضياءحضورك مودتي وتقديري |
الساعة الآن 12:58 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir