ياسيده من غير كشف الخفايا = مكشوف وضعك دون تزييف وانكار
في ديرتك انتي ورجلك سواي = انتي عديمة خلق والرجل منهار
في ديرتك مع خواتك عرايا = مستعبده في مسرح الرقص والبار
في ديرتك مطيّةٍ للخطايا = دنيّه وسربوته و ملبسك عار
وفي ديرتي صرت حسينة مزايا = متحجبه يامال قصاف الاعمار
ما هي بلايقةٍ عليك العبايا = ومن لبسها ما لك معزّه ومقدار
هي ما لها الا كاملات الحلايا = حرايرٍ في حسنهن مثل الاقمار
خودٍ عفايف صافيات النوايا = الستر والعفه لهن رمز وإشعار
بالدين فازن عن دروب الدنايا = ما صوبهن اهل الخنا لدّوا انظار
بنات شجعانٍ وساع النهايا = اهل الشرف والطيب والعز والكار

مسفر جمعان الصفا
نص جامح كخيلٍ أصيل
زفرة شاعر وصل به الحد من التطرف اللاأخلاقي
لا غرابة على شاعر كبير كــ مضيء الصفا بريقا وكلمة
صح لسانك و سلم فكرك
مودتي وتقديري

حسيت انه الابيات اهني موب مقصود فيه العبايه اللي تنلبس اللي استشفيته من خلال قراءتي وتاملي للكلمات
انك وصفت امور واقعيه ومتعدده في ابيات قاسيه نوعن ما . ولها تفرعات عميقه مختصره بمفهوم العباءه .
اخويه مسفر استمعت وايد بقراءتي لكلماتك وتمنيت لو تطيل الابيات اكثر واكثر
بانتظار ماتحمله في جعبتك من مشاعر تسطرها لنا

كن بخير
كنت هنا 18/5/2012