الجهات الاربعه:/’،*×؛):’/
السلام عليكم ورحمة الله ,,احبتي,, هي كما هي (في التو واللحظه) من الراس الي المتصفح فاقبلوني كما انا تل قلبي يابن شلوان منسوع الجديل=كل ماقلت السعه قال لي وين السعه صب في شريان قلبي غرامه سلسبيل=اتنفس واتلذذ غرامه وأجرعه قبل أشوفه كن مالي في الدنيا خليل =واحتواني من جميع الجهات الأربعه أخذني عن جملة الناس في يوم وليل=كن مآلي غيره آستقبله واودعه في حضوره يعتبر كل شي عندي جميل=الشموع مولعه والهجوس مولعه عِدني اول من تظلل في أظلال النخيل =لاجل عذرا بين عوج الضلوع مربعه إن تبسم يصبح الكون شكله مستطيل=وإن غمز بالعين زاد الطبيعه توسعه وان مشى كل الزوايا معه تصهل صهيل=وإن جلس ضمد جروح الزمان الموجعه وان طلب مني طلب قلت مايخدم بخيل=أنت قربك جود والبعد ربي يقلعه الحنايا والمعاليق لك جيشٍ وخيل=تتجه حسب اتجاهك وظلك تتبعه ياعديل الروح شاعرك يهوى المستحيل=ماتواضع لجل غيرك ولا ارخى مسمعه المحبه والغلا تجعل العاشق ذليل=آآآه من عينٍ تزيد المواجع توسعه راهنٍ عمري على كف ابو طرفٍ كحيل=كل ماقلت السعه قال لي وين السعه |
وَعليكمْ السلـآم ورحمة الله
يِسسلم لنآ راسكْ والله ياششَاعرنآ للِه دٌركّ مآ أَبهىآ الَحرف بِك يارمَضآن المٌنتششَريْ حضوٌر علىآ عَجلْ لِـ حَجز مَقعدْ أوَلْ بين صفوٌف مٌعجَبينك ولَي عَوده تَليقْ بِي سَموٌك وَقَصصيدكْ حتىآ ذّلِك الحَين كٌن بِ آلف خَيرْ ودي ..~ |
إن تبسم يصبح الكون شكله مستطيل
رمضان المنتشري الحياه سويعات وجميع مانكتبه لنا اوعلينا وهنا يكمن0 السر قصيده رائعه وخيال يفوق الحد وشاعر متمكن وفقك الله زد واحده يتقبلها الله ههههههههههههه |
ابو فيصل رمضان المنتشري يسلم الراس وما جاب قصيدة كــ رطب النخيل
يا سلام يا سلام شاعر يقطف الثمر لينثره شعرا طريا صح لسانك وسلم قلبك سيدي مودتي وتقديري |
رمضان المنتشري نص رائع صح لسانك حوى من جماليات الشعر الكثير شاعر يكتب لقرأ الاخرون شكرا لجمال ما ابدعت ودمت بحفظ الرحمن |
الله الله
نص رائع .. وكلمات راقيه صح لسانك اخي رمضان المنتشري ولاعدمناك دمت بخير |
صب في شريان قلبي غرامه سلسبيل
اتنفس واتلذذ غرامه وأجرعه قبل أشوفه كن مالي في الدنيا خليل واحتواني من جميع الجهات الأربعه رمضان المنتشري كيف للقلم ان يكتب لك ردا على هذا الابداع وكيف لي ان اتوفق في انتقاء الكلمات المناسبه التي تليق بسمو فكرك وابداع حرفك قرأتها مراااااااات عديده وطربت وكانها معزوفه موسيقيه انت الفكر الراقي والقلم المميز والشاعر الافضل ومهما كتبت لا يسعفني قلمي ولا اجد في اللغات ما يرضيي ذائقتي لاقدمه لك واكتبه شكرا وتقدير انت مبدع وكفى تقبل تقدير اختك شلمار |
وعليكم السلام ورحمة الله وبركاته
حضور مختلف ابو فيصل وجمال تعدى الحدود صح لسانك ابو فيصل قصيده جميله بل فاقت الجمال وتجاوزت حدود الابداع تحياتي لك ايها العذب |
رمضان المنتشري
صح لسانك واعتلى شانك نص رائع لا هنت تحياتي |
الساعة الآن 02:46 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir