الحياهـ ادروس ..
السلام عليكم ورحمة الله وبركاتهـ ’
ابيات للتواصل عسى ان تنال رضاكم ؛ يقولون الحياه احلام واقول الحياه ادروس=ومن ضيع دروسه في حياته ليش يدرسها نعض ابهامنا خوف وندم ونداس قبل اندوس=وهذي سنة الدنيا على اللي مايسايسها بكينا والبكا حجه وضيعنا السهم والقوس=وحنا قبل لانخضع على البيدا (فوارسها) وقفنا مامعانا للضعيفه غير مد(فلوس؟)=وكنا نطرح المجرم قبل يوقف ويلمسها عرب بالاسم لكن الفعايل ماضي(ن) ملموس=ذياب الكون بعد البطش تاكلها فرايسها ضروس تقطع العدوان فاللقيا نخرها السوس=ومن عاير ببندق فالمعارك قام يعكسها ثلاث اديار لين الحين والباقي يجيه عسوس=قرارات المجالس ماتطلع من مجالسها سكوت وكن ماشي(ن) حصل بديارنا وجلوس=تقول ان الدول تزرع وتحصد من غرايسها يضيع الزرع لو انه عن ايدين العدا محروس=مصيبه والخيانه كلها من راس حارسها |
صح لسانك عبدالرحمن العطاوي
نص جزل لاهنت تحياتي |
صح الله لسانك يا عبدالرحمن صح لسانك مليااار يالصنديد ..!! انا اشهد انها جزالة حر اصيل يملك فكر رائع جدااا... جداااا...جدااا اعجاب لامثيل له وحروف تضرغم زئيرا في قفار تلك السفن لاهنت ...لاهنت... كن بخير لنكون |
مصيبه والخيانه كلهـا مـن راس حارسهـا ـــــــــــــــــــــــــ الشاعر عبد الرحمن العطاوي قرأنا الشعر هنا كاملا بكل مقوماته صوّرت فأبدعت ونزفت صدقا ما نزفت عبد الرحمن جدا جدا جدا رائع بل سامي هذا النص فكرة رئيسية تلتها الأفكار الجزئية بقالب شعري دون وصفه للفظ عبد الرحمن غرد يا شعر وانفض غبار الرتابة وزلزل السكون وقل إلى متى ؟؟؟؟؟!!!!!!!! أجدني انجرف هنا وأبقى دو جمال ما أكرمتنا به وما زأرت به صح كلك ولا فظ فوك وفي أمان الله |
عبدالرحمن العطاوي ابو ساري
جزالة وشعر أصيل حكمة شاعر بعين ثاقبة ورؤية متميزة صح لسانك وسلم فكرك محبتي وتقديري |
صح كلك شاعرنا القدير عبدالرحمن العطاوي ابيات جزلة بارك الله فيك |
صح نبضك ي العطاوي
قصيده جميله كجمال تواجدك بيننا ودي |
نص جميل ورائع يستحق المرور والمشاهده عبدالرحمن العطاوي صح منطوقك ولانضب فكرك دمت بحفظ المولى |
صح لسانك يا عبدالرحمن نص جزل لاهنت تحياتي |
الساعة الآن 01:33 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir