الزمن لا صار صيدي والزمن لا صار صيده=تجتمع فيـك الخصـال النايفـات والمزايـا
لكن افهم قد فمهنا من رجـا وصـل العنيـده=أشكرك لكـن معاهـا زود بعتـاب الوفايـا
قلت شاعر ما يرد الزود من جاء لـد بيـده=يحمل الشيمة وفـا وحاتمـي وقـت العطايـا
مسودة في قلب شاعر ما تعاند مـع سديـده=ما تجـول إلا بشرفـات الأعالـي والنقايـا
لا جلبت القصد في مضمون قصّاد ن وسيـده=مـا بغيـت إلا أقـول جمـل الله يـا منايـا
احملتك الساق يمي يا هـلا عيـد القصيـده=تأكلك وتزيد هضمك تخرجك عبـرة برايـا
تعلفك برسم ن أخضر تعجنك مثل العصيـده=ونحضرك للخلق فرجه ممتعه رغم الرزايـا
وما بقى منّك نلفـه وسـط جلـدك والمكيـده=كايده في كيـد كـدك احتلبهـا لـك عرايـا
ما بغيت انحر وجودك ارتفع عـن الطريـده=لكن الوسواس جابك خذه صوره في المرايـا
واحذر التفحيط يمي شوف عقلك كن رشيـده=لا نويت الغزو احضر بالكفن زود الوصايـا
الطفل لا منّه أخطأ خيزران يشـوف عيـده=والوغا في الشعر ابعد شوف كم له من ضحايا

حسن بن مدهش السهيمي