|
وجه المرايا
الملاك اللي أخجلت من حسنها وجه المرايا مو غريبه ..لا اخجلتني واعحبتني وافرحتني مو غريب..تكون ذاك الحلم بعيون الصبايا وموغريبه.. كل ما ازعلها تسامت واسمحتني لا غرابه ؟كيف سوت داخلي ذيك السوايا في ثواني جابت آخر عرق ينبض واسكنتني جيتها فارس وجات استوطنت كل الزوايا بعثرتني واجمعتني واذهلتني واصدمتني غيرها ما عد بقى له داخلي أية بقايا!!! وش بوصف من حلاها من عقب ماجننتني العيون النرجسيه شفت داخلها هنايا والرموش إليا أرفعتها من حلاها ظللتني والشفاه إن حركتها تنطق الاف الحكايا وابتسامتها العريضه يوم ترسمها أسكرتني قالت اسكن يابعدهم داخلي بين الحنايا وأمطرت مثل السحابه بالمشاعر وأغرقتني كان يكفي شوفها من لهفتي يروي ضمايا يرتوي جدب الخفوق من العيون إليا المحتني عشت لحظات السعاده بين أراضين وسمايا شافت اللهفه بعيني تشتهيها ..واحضنتني! هزاع الهزاع |
غيرها ما عد بقى له داخلي أية بقايا!!! وش بوصف من حلاها من عقب ماجننتني الشفق ’’’ صح كلللللللك اطلت علينا بجديدك لكن هاهو اتى كــن بخير |
هَزآعّ وهآهِي عَودةّ الفَريِدّ الَمٌتفرِد بالَنبضّ وَ الشعوٌر وَجة المرآيآ نصصّ فآخرّ وابيآتّ عطِرهْ..جَزله .. وَمٌمتلِئه بالاحسآسّ مٌترف كلكّ يالشَفقّ صحتّ يَمينككْ ولآعدمنآ المولىَ هذآ النوٌر والحضوٌر ودي ..~ |
اطلاله ولا احلى ,, من شاعر جزل ووافي وبحرا رائع,,وحضور مختلف صور شعريه جميله ورائغه مبدع راقي جزل ماننحرم من هيك شعر احترامي وتقديري بس عندي سوال لماذا تنزل القصيد مادام نويت تقفيله؟؟ يعني مافهمت وش النوايا؟؟ سوال اخر هههههههههه اشوف الضفادع كثرت على طاري التقفيل يعني جفت المعارف وظهرت الضفادع هههههههههههههههههههههههههه |
نص زاخ بالوجد مترف حد الغرق ويبقى اللفظ دون جمال ما أكرمتنا به أبا نايف صح كلك ولا هنت لا هنت لك الله حافظ وفي أمان الله |
صح لسانك ابو نايف متوجد فعلا لكن بشموخك المعهود ووجدك غير اليوم لاتعبت ايها الجزل رائعة ياجزل القصيد رائعة يالسكب صح ككككككلك ومع ابو رياض في تساؤله وعجل بنسخها لاتضيع فهي من الدرر لاهنت ودام لنا حرفك يالغالي |
صح لسانك الهزاع راقت لي لاهنت وجدانيه لحد الغرق تحياتي |
الشاعر المبدع/اخي الشفق سلم قلمك البهي ومدآدك الندي قصيدة غنآء وعزف توشحه السخآء صح لسآنك على تلك النبضآت الجلية بروعتهآ وكمآ عهدنآك دوما رآية لزهآء التعبير دمت بكل إبدآع وألق أرق التحآيآ |
صح لسانك الهزاع
نص راقي برقي مبدعه انت راق لي ما مرررت عليه دمت بخير |
صح لسانك ابو نايف
رغم اطلاعي عليها اكثر من مره وكان لي شرف مشاهدتها كأول المعجبين بشاعرية الهزاع الا واني في كل مره اجدها تحمل متعه مختلفه صح لسانك مليون ولا يسدن وبيض الله وجهك وسأعود حتما للمطالعه مره اخرى |
| الساعة الآن 12:11 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
