صبغ الشعر في البيتْْْ
 

السلام عليكم ورحمه
صبـاحكم / مسـائكم راحه بال ماتفارقكم
كيفكم ياحلوات ؟؟ ان شاء الله بخير وصحه وسلامه

جبت لكم موضوع عن صبغ الشعر ف البيت.. بدل ما تروحون للصالونات وتخسرون الااف الريالات وخصوصا اذا كان الشعر طوويل فالمصاري تزيد هع<حاسه في معاناتكم
والحين العيد عالابواب ان شاء الله تستفيدون ونبدا ف الصبغ


اول شي ادوات الصبغه الي تستخدمونها

http://imagecache.te3p.com/imgcache/...8c8966f7bf.jpg

http://imagecache.te3p.com/imgcache/...f6f522b7c6.jpg

http://imagecache.te3p.com/imgcache/...8ead241332.jpg


الصبغه ويللا كوليستون + قفاز + صحن صبغه مع فرشتها السودا تلقينها بالصيدليه
الصحن اذا ماتبغيه عادي خذي اي صحن بلاستيكـ ف البيت لكن الفرشه ضرورية
وافضل فرشه ثاني وحده من اليسار .. توزع الصبغه كويس
قبل لاتبدين بالصبغه عشان بشرتكـ ماتتهيج حطي فازلين على وجهك عند منابت الشعر وايضا على رقبتك من الخلف

اول صبغه :

اللون
بني شوكلاته + اشقر ثلجي فاتح
نوع الشعر :

طويل لنص الظهر : 3 بني شوكلاته + 3 اشقر ثلج فاتح
اقصر عند الكتف : 2 بني شوكلاته + 2 اشقر ثلج فاتح
قصير : 1 بني شوكلاته + 1 اشقر ثلج فاتح
اوكسجين او( البروكسيد ) : لكل انبوب صبغه علبه اكسجين .
يعني مثلا فوق ذكرنا نستخدم 3 بني شوكلاته = 3 اوكسجين

البروكسيد او الاوكسجين :

http://imagecache.te3p.com/imgcache/...edc32042e7.jpg

هوا انواع نوع 6% وهو الخفيف
9 % اقوى منه بشوي
12 % قوووي
افضل شي تستخدمي 9% يناسب الجميع ويطلع اللون ف وقت قصير
نخلط الصبغه والاوكجسين مع بعض ف صحن بواسطه الفرشه الي مايتجانس مضبوط
ونبدى مع الصبغه بواسطه الفرشه .. ضروري نفرق الشعر على شكل خصل عريضه شوي
وبعد مانلبس القفاز نبدا من الخلف يعني من نهايه الشعر
بعد مانخلص نجيب غطا شفاف موجود بالصيدليه او مايحتاج جيبي سفره نايلون وغطي فيها شعركـ

المده : تقريبا بعد نص ساعه تجين تشوفين اللون اذا عجبك خلاص شيلي الصبغه .. والعاده اخليه بشعري 45 دقيقه هالوقت جدا مضبوط ..
بس طبعاااا على حسب نوعيه الشعر وسمكه ..

لما تجين تغسلين الصبغه استخدمي شامبو تبع الشعر المصبوغ افضل خذي شوي منه وغسلي شعركـ وحاولي تنظفينه على قد ماتقدرين لانه لو تبقى بالشعر صبغه بتحسين بحكه خفيفه ف فروة راسك
بعد الشامبو وهذا ضرووري تستخدمين بلسم عشان شعرك يترطب شوي وعلى طول غسليه ..
بعد ماتستشورين بتكون هذي النتيجه ..

http://imagecache.te3p.com/imgcache/...3522d390e9.jpg

ثانيا : اللون العودي البنفسجي ..

اللون : برغندي سمراوي + سيكلامي
نوع الشعر والاوكسجين والطريقه : زي ماذكرنا سابقا

النتيجه بتكون زي كذا ..

http://imagecache.te3p.com/imgcache/...cd360dfa40.jpg

اذا تبين تمشطين شعركـ بعد الصبغه ياليت ماتستخدمين مشط اسنانه صغيره خذي مشط اسنانه عريضه مثل ذا ..

http://imagecache.te3p.com/imgcache/...952e6a4f8b.jpg

لانه بعد الصبغه الشعر يكون مجهد نوعا ما والمشط العريض مايسحب الشعر بقوه

ثالثا : البلياج

تفرق البلياج عن الهايلايت واللو لايت ..

البلياج : تستخدمين الذهبيات والبنيات بدرجاتها ..
الهايلايت : ارضيه لونها بني والخصل فوقها تكون بيج او ثلجي ( يعني فاتحه مره )
اللو لايت : اقرب للشعر الطبيعي يعني لون بني بس فيه يادوب نحاسي خفيف وخصل رفيعه

نبدى بالبلياج :

اللون :

لون بني شوكلاته + بني قهوة + بني نحاسي + اشقر فاتح + اشقر ثلجي فاتح

عاده اذا تبين ارضيه شعرك نفس لونها الطبيعي خليها لانو راح يزيد بعد لون الي هو لون الشعر الاصلي بالاضافه للالوان الي بنحطها ..
زي ماقلنا فوق كل انبوب صبغه لها علبه اوكسجين .. بس الشي المختلف هنا انو مارح نخلط كل الانابيب مع بعض
نبدى بالبني شوكلانه نخلطه مع الاوكسجين ونبدى نخصل خصل متفرقه من الشعر وياليت تكون موزعه يعني تاخذين من الجنبين وتاخذين من فوق ومن تحت
تقريبا زي هالطريقه الي بحطها بس تكون متوزعه افضل

http://imagecache.te3p.com/imgcache/...2cb3ce9031.jpg

ونصبغ الخصل بهالشكل

http://imagecache.te3p.com/imgcache/...1342f6c236.gif

وبعدين كل الالوان نسويها بنفس الطريقه بطريقه متوزعه عالشعر باستخدام القصدير مثل ماهو موجود بالصوره ..

النتيجه بتكون مثل هذي تقريبا ..

http://imagecache.te3p.com/imgcache/...78e7c01541.jpg

الهايلايت :

اللون :

نستخدم الارضيه زي اول صبغه ذكرتها بالضبط
بعد ماتغسلين شعرك وتجففينه تسوين الخصل ..
والخصل ممكن تستخدمين هالصبغه هي ميش بلوندر يعني اذا ماتبين تكثرين .. وهي تكون بالصيدليه ب 5 ريال + تخلطينها مع علبه اوكسجين وتوزعينها زي ماتوزعين الهايلايت
الميش مدته اطول بالشعر وكل شوي شيكي عليه تشوفين اذا وصلت درجته بالبيج او لا .!!
لا تتسرعين ف غسله الا بعد ماتشوفين اللون زين .. اذا خفتي على شعرك شيليه وردي سوي الميش بعد اسبوع يعني اختاري كم خصله تفتحينها بزياده بيطلع شكلها بعد احلى
الافضل حاولي انك تخلصينها ف نفس الوقت عشان ماتتعبين وترجعين توفرين الااغراض مره ثانيه ..

وهذي النتيجه بتكون وطبعا اذا استخدمنا الارضيه اللي ذكرتها اول شي بتكون احلى من هالنتيجه

http://imagecache.te3p.com/imgcache/...90b662ec77.jpg

واللولايت :

زي اللون تقريبا طبيعي .. نفس ارصيه اول صبغه ذكرتها بس نستدخم اللون النحاسي بدل الميش ونخلط معها اوكسجين ونوزعها بنفس الطريقه المذكوره
والنتيجه بتكون تقريبا زي هذا ..

http://imagecache.te3p.com/imgcache/...f34b5efd9a.jpg


اتمنى الكل يستفيد :36_9_1:

مَرهَ روٌعهَ هْ
وجآ بَوقَتهَ هْ بالضضَبطْ <<<تَحَوٌس مِن يوٌمين تبي تَصصَبغ هع
تِسسَلمين حٌبي بقآيآ
يعطيكك آلف عافييَهَ هْ
ودي ..~

يسلمو اختي

انا ما اصبغ شعري الا بالبيت

ما اثق بالصالونات صراحه

يعطيك العافيه