بنك المحبه
بسم الله الرحمن الرحيم
السلام عليكم ورحمة الله وبركاته الاوله / سلام من كف حلحيل=حسب العوايد والذي فالعقيده تسليمتن تنصى زحول الرياجيل=تأخذ حقوق وتختصر ما نريده والثانيه / صب اشقر البن والهيل=فنجال يكفيني لنظم القصيده وذلول شعري لا سرى يقطع السيل=واركيت في حمله وفكيت قيده والثالثه / جيت أعتذر واوفي الكيل=واقص راس العلم واقطع وريده ياللي عليك اخطيت أسف وتقبيل=في جبهتك يكفيك والا نزيده والرابعه / لو مالت الناس ما ميل=بنك المحبه ما نقصنا رصيده لو زالت الدنيا فلا يمكن تزيل=لوحة غلاك اللي لروحي طريده والخامسه / لو يختلف جيل عن جيل=يبقى قصيدي فالثياب الجديده شاعر واعد الصدق من دون تضليل=والشعر صافحني وصافحت إيده |
|
أنا أشهد إنك صافحة الشعر وصافحة إيده لله در الشعر إإإيه الشعر صح كلك ولا هنت رعاك الله وفي امان الله |
قصيدة كافيه ووافيه
|
الشاعر ( غازي الحارثي )
صح لساانك مبدع كالعادة ننتظر جديدك المميز تحياتي لك |
غازي الحارثي
صح نبضك يالقرم جزله من راس جزل لله درك كم تدهشني مفرداتك راقتني لحد الارتواء فدمت ودام نهر عطاءك شكري ومودتي |
لله درك على هذه الابيات ودمت ودامت ابداعاتك فلك من احلى وارق تحية
|
صح لسناك
قصيده جداً رائعه وبيض الله وجهك ربي يسعدك وننتظر جديدك بكل شوق تحياتي.... |
غازي إلحآرثي
أحترت وترددت فـ ماعسى بناني أن يخط بعد هذا الجمآل ..!! ابيات ومعاني أستمعت بين جوانبهآ وأبهرتني قريحتك وبوحك إلصادق سلمت يـ غالي ..وصح يمينكك لـ روحك الجنآن .... |
الاول مررت هنا فاستوقفتني كلماتك
والثانيه اعجبت بذالك القلم الالماسي والثالته استمتعت كثيرا بما قرأت فقد عانقت السحاب في ما كتبت رابعا لاحرمنا منك ومن نثرك المشوق لك خالص احترامي |
الساعة الآن 03:45 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir