ارحب يالهلالي
الهلالي صاحبي لكن ليامن ضاق هاجر=كل ماحاولت اعدل فيه ضاق الله يامنا شاعرن مطنوخ لكن لو تعرض للمخاطر=قد يكون انه بنصف اليل يرحل عن وطنا |
انت لو حاولت تنفذ قبل تسكير المعابر=مابلاك الله بهم(ن)حاصرك منا ومنا مير انا بنقذك هالمره ولا ترجع تكابر=دام ماتقدر على نسيان ابو الكف المحنا |
ابدعت ياحمد في الرد ولا غرابه انت شاعر موهوب
|
ياعلي والسر لك مدفون في بطن المقابر=والحمل ماينقسم لكن يبرك له جملنا صاحبك باقي على ماكنت له فاهم وخابر=يجمع الضدين فوق البرج مرزوز علمنا |
|
صحت لسنتكم
شعار متميزين ومتابعين لكم وموفقين خير |
انت ماتقدر تجي باب المقابر لاتغامر=ميرشيل الحمل جالك يامهنا ماتمنا دام لك خاطر تشيل الحمل وحدك لاتغادر=يالهلالي شيل حملك وانقله لاتمتحنا |
|
الله الله طاروق قوي متااابع الابدااااع
دام لك خاطر تشيل الحمل وحدك لاتغادر=يالهلالي شيل حملك وانقله لاتمتحنا الليل ياشعار |
الساعة الآن 01:32 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir