|
انا معاقـــــــه
قبل مااودعكم في سفره اتمنى ان لاتطول اترك لكم هذه القصيده المؤلمه حقا وكأن الالم صديق لايفارق عمري شكرا لكم على نقاء قلوبكم كنا نسولف وفجئـة عضـة ابهامـي وماحست الا وانا عن جد في حيـره دار الحديث وتشعب بيـن لاقلامـي حتى اسألتني عن الاصل وعن الديره (قالت) تزوجت! (قلت) الفال قدامـي وانتي (وقالت) سؤالك صعب تفسيره مدام طلع الـورود بوسـط لاكمامـي ذبلت بعيني وكسري صعب تجبيـره والماي جنبي يسيل وحلمي الظامـي يبست عروقه ومات بشـره وخيـره شوف انت كيف العمر يتابع اعوامـي والحزن في عين مثلي بـان تأثيـره الغبن يقتل طموحي واجمـل ايامـي والحظ ماقام مـن حفـره لدحديـره (فقلت) ليش التشأم(قالـت) عظامـي وهنت وجسمي معي يشعر بتقصيـره (انا معاقه) ووينـه فـارس احلامـي اللي بيرضى علي يصـرف دنانيـره (انـا معاقه)بعينـي الحلـم مانامـي صاحي وتعصف بلحظاته اعاصيـره (انا معاقه) وهـذا جرحـي الدامـي ينزف له اسنين لينه فاض بـه بيـره والحلم سامي ومنهو يحلمـه سامـي لكن مسجون من يرضـى بتحريـره هذي الحقيقه ولاهي هاجس اوهامـي لكن فديتـك تعـال نفضهـا سيـره (فقلت) خيـره وانـا اداري الآمـي لله فيمـا حصـل ياطاهـره خيـره والصدق دمعي نزل مثل المطر هامي وحسيت ماكان داعـي انـي اثيـره موضوع استوقف شعوري مع الهامي ماهو يتمرر ولـو حاولـت تمريـره يارب ياللي عيونـه ماهـي تنامـي تجعل لها من مساحة رحمتك جيـره يابنت لوهو تعالى بحـرك الطامـي باالحزن لابد تفـرج لـك اساريـره والصبر نعمه ودينك ديـن لاسلامـي والامر بيـده وهـو يختـار تدبيـره أظن هلحين واضح عضـة ابهامـي وأظن هلحين واضـح مصدرالحيـره |
واتمنى ان ماتكون اخر مصافحه في هذا الصرح الادبي فانا قبل قبلت زميل في المنتدى قبلتك اخ وهذا اكبر شرف
الله عليك / يا احمد الهلالي صح الله السانك ثم صح الله السانك مليون ! احمد الهلالي اسم تسامى في بحور الشعر وابداعها ابدعت ابداع يليق بذاتك السامي عنوان متميز يحمل اجمل الابيات واجزلها |
الاستاذ الشاعر* احمد الهلالي
صح لسانك واعتلى شانك على هذا النص الشامخ والذي تناول جانب مهم الا وهو الاعاقه وكان الحوار سار رغم ما لفه من الالم .. سررت بما قرات وكأنني امام مشهد درامي اتابع مشاهده بشغف.. يبقى لك دعاء بأن يحفظك الخالق اينما ذهبت وننتظر سمو اطلالتك من جديد فلا تبطي فقد عشقنا حرفك لحد الادمان .. نص يستحق التميز والخمس نجموم وتقديري ، الشفق |
قصيده ذات شجون ,, ذكرت فئه من المجتمع ربمـا تكون نسياً منسيا ,, اقف هنـا مصفقه إجلالاً و إحتراماً لـ فكرك و رقي أخلاقك ,, تستحق خمس نجوم منيره مرتفعه كـ تلك القصيده .. |
الله الله شو هالابداع
حضورك يقارع الابداع والجمال الشعر رساله ...لافض فوك احمد الهلالي كنت رائعا وكنت وافيا وكنت الاجمل بهذه القصيده اتقنت المعنى والرساله بكل اتقان يسلم راسك وفكرك وشعرك ياعلم جزل...لدرجة الامتاع رائع ..بهذه الرساله واحداثها تناهدت معها القلوب لا فض فوك لافض فوك ايها الراقي تقدير واحترامي يسبقه تقيمي |
قصيده رائعه من شاعر راقي
دآآآئمآ تدق ع الوتلر الحساس والاعاقه ابتلاءمن الله ولله في خلقه شؤن سبحانه وتعالى اتمنا لك التوفيق وسفره موفقه وننتظر عودتك فلك هنا احبه وجمهور دمت بنقاء |
اخوي احمد الهلالي صح الله لسانك ملايين ولا يسدونك ابيات حفتهاا الجزالة انت جزل واهل للجزالة لاهنت على هذا الإبداع لاهنت |
تنحني الأحرف لكم يافاضل تقديرًا درة بسمو المعاني وشفافية شعور لفئة تغافل عنها المجتمع بالامبالاة لوحة رغم كم الوجع إلا أنها مضيئة بابداعكم طبت ياقدير ودام المداد نورًا لكم التحية وطيب الأمنيات تحفكم رعاية المولى أينما حللتم |
صح لسانك
قصيده جميله وفي فئه غاليه علينا يعطيك العافيه ودي |
والحلم سامي ومنهو يحلمـه سامـي لكن مسجون من يرضـى بتحريـره / (فقلت) خيـره وانـا اداري الآمـي لله فيمـا حصـل ياطاهـره خيـره أحمد الهلالي شاعر مميز بحق ، شعرا وموضوعا وكلمة وارفة نص بسيط اللغة ،عميق الفكرة عالي النبرة "معاقة " موضوع النص،،، لكنها تحدثت في ثناياه على لسان الشاعر البهي بما لا ينبئ عن إعاقة أحمد الهلالي تكتب بإنسانية مفرطة ليصدق قول من قال: أنتم الناس أيها الشعراء وأنت شاعر إنسان محبتي وتقديري |
| الساعة الآن 11:10 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
