|
السلام عليكم ورحمة الله نص " ليل وشمعتين" بكم يصبح ليل وأضواء ،.،.،. أرجو أن يليق بكم وبقراءتكم له محبتي قبل وبعد ،،، ،، ، الـليل ..ما يشعل دياجيره ...سوى نور الصباح وانتي لليلي ... كلما جيتي ...بنورك تشعلين يا غالية ... واللي خلق لي دمعتين مْن الجراح ما قد سمعت بحي ... يحسب في عدادالميتين إلا / إذا مثلي تعلّق في متاهاتك ... وطاااح بين السحاب اللي يضمّك ... وانكسارات السنين ما كنت انا تلميذ فاشل ... كسّر اقلام النجاح ماكنت غير انسان ... يحمل في شرايينه / حنين هالقلب / من خلاه لرْماح المواجع ...مستباح وهالعين / كيف تْصير لو ما تلتحف صورتْك ... عين ما تذكرين / انا قضبنا الثلج لين الثلج ساااااااح كنّ الحرارة ما تولّد... غير من لمس اليدين يسعد صباحٍ ... ولّع الدنيا بنورك ...واستراح وامسى مِثِل ماامْسيت في زحْمةْ تفاصيلك... سجين ما بين سور مْن اليدين / وْ صُبح / وعْيون / وْرِماح وانفاس ورد / وْريح هيل / وْزعفران / وْياسمين يا ممطرة ... شوق وْ وَلَهْ/ يا سارية / مثل الرياح كل المرافي ... لو غشاها الشك تبدي لي / يقين الـليل ..ما يشعل دياجيره ...سوى ضوّ الصباح وانتي لليلي ... كلما جيتي ..بنورك تشعلين |
سما الحلم
، ، تدرين! ...... لا من صار بوحي يناسبك اشعر كأني / في سما حلم..... وآآآآطير واتْخيّلك/ ماطر من الغيم و اشْربك واروي ضما قلب ...... امْحلته المقادير كم ملهمه مرّت على البال تعجبك... يــانبض / يكفيك احتلاب الأســـاطيـر شف عطرها! ..عن باقي الكون غرّبْك هذي... وطن مُشرق.... تساوي جماهير بلحالها...... تسرق حنينك من اقربك مـــا كنـهــا الا .... تـهــــدي الروح للـغـيـر طفله / على همسة عتبهــا ... تعذبك تمسح بيدَّيـهــا على الجـــرح / و تْسـيـر لـو للغلا تفسير ثــاني....... يرتِّبك كان الضيا يحتاج ..... مليون تفسير قم يا زمن / وقِّف متـــاهـةْ ....عقـــاربـــك على حديث الصُّبح ..... بين العصــافير في غصن سدرة / مال تغريد يطربك أعذب من "اطياب الشذى" في مسا الخير تدرين! ...... لو ما كان بوحي يناسبك زرعت لك / كل الحنايا ........ معاذير |
بوح الشرايين
تحت الضلوع العُوج / باقْصى عذابي تكمن بقايارحلة انسان و عْتاب يسكن حنايا الجوف/ نزف اغترابي وأحلام /و وجيه/ وشبابيك/ و ابواب مرات اقول ان السبب في غيابي و مرات ابرر ما طرا لي مِنِ غْياب لقيت كـل اللي بقى من زهابي.... دمعة/ و حزْن /و جرح مبطي ولاطاب مبطي... وانا اشيل القلق /في ثيابي من وين ما وجّه / معي زحمة اصحاب لا وين ماخذني معك يا ذهابي؟! الدرب موحش/ والسمـا نجمها غاب ليت السما ... تمطر بقايـا سحابي حتى يجي نبت الثرى عشب واحباب وياليتها !!! تقرا سطر من كتابي من سالفة بوح الشرايين .... لكتاب كم لي ؟! وانا اقول ابتدى وانتهى بي هذا الحنين / لماطر القلب... منســاب حتى سكن باقصى ضلوعي/ عذابي ضيف يتهجاني من الباب ..... للباب |
تفاح الكلام
~ افتح لتفاح الكلام الشبابيك واسمح لسرب مْن البلابل / يغنّي جيت الحكيم / البس ثياب الصعاليك احمل ديار مْن الغلا –حسب ظنّي- جيتك مدى/ جيتك وطن بين اياديك جيتك غريب ... وْ عبرتي تمتحنّي من وين ما خيّلت تمطر قوافيك لين امتلا صدر الفضــا غيم منّي يسعد نهارك / يسعد الله لياليك يا صبح مترف بالبشاير سكنّي كنّك اخذت من القمر شيّ يغريك - غير الضيا – طلّة / وعشق وْ تمنّي وجهٍ عسف دولة غرام وْمماليك يقبل سحاب لكل مـمحل يهنّي عشب انتظارك /سالفة بوح ترويك للنبض/ طفل اكبر طموحه تبنّي صمت الغريب / و دمعتينه حواليك جدب السنين / وغيبة الروح / عنّي افتح لتفاح الكلام الشبابيك واسمع صدى صوتي / نوارس تغني |
| الساعة الآن 08:52 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir