|
..♥♥ ديوُان الشآعرة ...اوٌركيِدْ ..♥♥
|
علّها تصل إلى رقيّكم ,, ,,,,،، يا درب جده..! * يا درب جدّه يوم صوبك توجهّت ,, رديت لـ ايام الخوآلي القديمه ,, هيضّت دمعي حيل وايضاً توجعّت ,, هليّت مكنونه بـ دمعه يتيمه ,, قهري و حآلي ثم حظي وهـ الوقت .. اربع تجيب اقصاي كنّي سقيمه ,, والذاكره جابتك ليّه وروحّت ,, صوبك كأني في بلادك مقيمه ,, انسى جواليسي ليآ جيت لوحّت ,, واضحك لـ جلاّسي و لو هي شتيمه ,, طيفك خذاني بين ربعي و تنحّت ,, وارجع بـ علو اصواتهم يـآ لئيمه ,, اضحك وانا في داخل الصدر شيعّت ,, ذكرى و حزن و مولبآت ن اليمه ,, يـا درب جدّه ليتني ما تولعّت ,, فرقآ عظـآم الناس غبن وظليمه ,, وسلآمتكم ,, 24 / 3 / 1434هـ |
علّها ترتقي إليكم ,, !! تنذر بغيث ..! * تخيّر الوصل و إلاّ تخيّر الفرقآ ,, اختآر واحد ولكن لا تعنيّني .. لو كنت ناوي هجر ,, الدمع ما يرقا .. وان كنت ناوي وصل ,,إتفضل إيديني .. الحب ضمة كفوف من الوله عرقـا ,, والشوق ,, نـاره تلظّى في شراييني .. اما انت ,, زولك كمـا لمحه من البرقـا .. تنذر بـ غيثٍ و ترحل ,, ما تسقيّني .. يـا بعد كل الديآر الغرب والشرقـا .. انا دخيل النوآعس ,, لا تشقينّي .. غيمتك هذي تخلي دنيتي تبقا .. الغيث فيها يسلّيني ويشفيني .. تخيّر الوصل وإلاّ تخيّر الفرقـآ .. اختار واحد ولكن (لا تخليني) ,, وسلآمتكم ,, |
صبآح / مساء الخير ,, علّها تنآل ذائقتكم واعذروني مقدماً ............. ياجرحي اللي أستبآح المحاني و عيون هلت من غرابيلها ميّ ياحظ / يافآل/ ياعثر الأماني انا ارتجي في لعبها هدّوآ شويّ كنها تعاند حلمي اللي عصآني وكنها تحارب واقعٍ منهزم غي وكنها تردد يآ أنت كنك تعاني..!! وانا أصم الاذن من حرةٍ بي قمت اتجاهل صوتها لو حكاني كني اتجاهل جرح ينزف من ايدي ياني حزينه ياشعوري أراني أتعس بشر يمشي على اطراف رجليّ ياليتها تعدل مع انسان فآني ياليتها تعطي من أفراحها شي وارفع أيديني وقت صوت الآذاني يآرب تقبل دعوتي واستجب لي الله يفرج ضيقتي يا زماني والله يوسع خاطرن منكوي كي أشعر بـ فرحه غير تغمر كياني والبس ثياب الطهر وادعي واصلي وسلامتكم .. اوركيد |
التجربه الاولى وربمآ الاخيره .. اتقبل النقد .. اعذروا تقصيري فـ احرفكم لا تطآل .. يدري معآليق الصدر حيل تبغآه .. الصوتّ صوته والصدى عاد عيده لاجآبه المآضي ولا جبت ذكرآه ,, بعض النصآيح يآعرب مو سديده .. اللي يقول الحب للأولي وآآه !! صحيح لكن..ماطوى الخل قيده بكيت دم .. وهم وصراخ والـ آآآه حتى نشف من دم قلبي وريده قولو له ان البنت قامت تناساه .. دامه جفا واختار لِنا ( الشديده ) مهما / بكى مهما شكى / ما سمعناه و اللي رحل فـ ليعتبرني ,, فقيده .. وسلآمتكم .. |
| الساعة الآن 08:47 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir