|
غزليه بين بدوي وحضريه
الحضريه: قلنا سلام الله يا راعي الرعيه وين الطريق اللي تودي للبلد معنا غشيم ما عرف قيمة خويه ضيعنا بقفار ما فيها أحد البدوي : يا هلا ويا مرحبا بالنرجسيه أقلطي فالدار دارك والولد هذيك خيمتنا ولا أنتي الخليه ولك أمان الله في يوم الأحد الحضريه : ما لنا مجلاس يا رجل الحميه مثلنا لا غاب لحظه يفتقد غير هالهندي عساه اليوم حيه لا عرف درب ولا هو اللي نشد البدوي : إن جلستوا مرحبا ضيوف عليه وإن تعذرتوا معك طير السعد ما يجوز الغصب لك وأنتي بنيه لكن العوده ولازم من وعد الحضريه : إن عطاني الله عمر ولي بقيه لازم أرجع مع هلي لك يوم غد وإن تفارقنا تذكرك المطيه وجعل يخلفنا على ديارك رعد البدوي : ليتني هندي معك يا الغشمريه وإن هالهندي في المفلا قعد ليتني وياك نرعى بالرعيه أو ليت قلبي خبل لا رحتي هجد الحضريه : الله يخليك ما ني ببدويه ما نقصني يا ولد هم ونكد دلنا على الخط دام الشمس حيه لا دنانا الليل هالهندي رقد البدوي : هذاك دربك من ورا هذيك الحويه وأستري وجهك ولا تبديه أبد وأن بغيتي تحطبي مالك لويه أجعلي بيديك حبل من مسد |
الله الله ..
رآآآقتني و جداً .. :d صح لسآن شاعرهـآ وسلمت ايآدي نآقلها .. رآئعه ودآمت إطلالتك استاذ / أبو شلّآخ .. |
ههههههه
من جد رائعه جدا والحضريه ماهي هينه من جد سلمت الذائقه ابو شلاخ مودتي ***** |
كن هالبدوي نشبة .... احسه يشبهني هع رائعة جدا ابو شلاخ سلمت يمناك ولاعدمناك يالغلااا |
سلمت يمينك ابو شلاخ
|
أبيّآتْ فيَ قمّةة آلروُعه وَ آلجمَمَآلَّ ..
ذَآئِقه عذّبهَ وَ إختيَآرّ مُوفّق .. صحَ لسَآنّ شآعرهَآ وَ لَآ هَآنّ نَآقلهَآ .. |
| الساعة الآن 08:27 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir