الهمس من ارشيفي ( خاصه)
مادام يخجِلك السحر من ضيا الشمس=اصير شمسك في الضحى تخجليني
ومادام نبضك في المخاليق ماحس= يكفيني اني داخله تئبريني
وما دام طيفك محتويني غلا وانس= يصعب على وجه الحزن يعتريني
ومادام معتاده على كلمة الهمس= ابنحني لك حب وانتي اهمسيني
ومادام ماتقوي على كثرة اللمس=يكفي من اطراف الحكي تلمسيني
غيرك بعيني ما يساوي ولافلس= تكفين مري كل ليله اسهريني
تصدقي ذكراك مرت علي أمس=وهلت سحابة دمعةٍ وسط عيني
حسيت رعشة خافقي صابني مس=صحيت من حولي بكثرة ونيني
اثار حبك داخل القلب مندس=معقول ادور حب مخلوق فيني
مهما شربتك شوف ماقلت لك بس=ماضي ومستقبل وحاضر سنيني