هذه القصيدة نقلتها لكم لـ الشاعرة الأميرة سارة بنت فهد بن جلوي آل سعود
وسط المطاف اليوم شفتك تصلي
وكثر الخلايق ترتجي من هداها
بالحجر شفتك خاشعة في محلي
وحتى الصفا بالسعي شفتك مداها
ومن وين ما لد النظر لي تطلي
ورشفات زمزم ذقت حبك معاها
وبكل عين لي عيونك تهلي
بعدك شقى روحي وقربك هناها
وهذي هداياك بذكراها تنادمني
ويضمني زود ودك في ثناياها
بثوبك الغالي شعور محني
وبشيلتك ريحك همس يا غلاها
في شالك الدافي حنانك غمرني
ضم الدفى فيني سنين رعاها
وبعطرك اللي لي تميز سماء لي
لف العطر عقبك ثواني ملاها
شفت العصا في مشيتك والتغلي
لا قلت لك يمه يمينك خذاها
وكرسيك اللي لي توارى بظلي
يذكر مشاويرك معي ما نساها
مشتاق لك مثلي عساكي بحلي
ولمسات كفك له بروحي نداها
لا ما اعترض حكم المقدر وعلمي
حكمه مقدر وقبلك هالخلق جاها
لاشك غيبتك يمه توجع وهمي
عقبك تزايد على روحي وعناها
بس ارتجي خالق الكون المدي يا أمي
أنه يضمك بجناته وعلياها
ويعوضك بالحبايب كلهم عني
رحمة كريم يعوضك حلو سكناها
وتعانقك حور جناته لك تسمي
ونفحات عفوه تضمك دوم برداها
يا أغلى الخلايق سلامي لمك مثني
وتقبل رجليك غناتي هاك ينصاها
ينصاك ودي وشوقي والقدر مني
وجل احترمي على ما طاك مبداها
ولي يلتفت خافقك ملهوف يسألني
وش بالحبيبة عسى فرقاي ما أدماها
ويهل دمع الضماير ما بقى مني
يمه بغيبتك دنيا ضاعت خطاها
ومن شوق نفسي لمحتك داخل كلي
وغمضت عيني عشانك داخل بماها
وسلامتكم
نوف