أنت الرفيق اللي ليا مال بي حال
جيته..وأنا كلي احتياج..وموّده
وأنت الذي في هرجتك تشرح البال
وعلومك اللي..لاذكرتك..امجدّه
فيك الخصال الطيبه..يابعد الأبطال
ياسعد من جدّك..قريبٍ لجدّه
"ياليت ربي..ماخلق حل..وإرحال"
ويرتاح قلبي..من هجوسٍ تهدّه
إهبال..لوفكرت في بُعدك..إهبال
مثل الذي يطعن وريده..بيدّه
ماكل من لبس الغتر..صار رجّال
ولا كل من يُحزم بظهرٍ..يشّده
دارت بي الدنيا..وجرّبت الأهوال
وعرفت أجناس..وعانيت مدّه
أخشى..وأداري..من العواذل..والأنذال
ولاأبدي على المخلوق..لوباح..سدّه
وأنته سبقتني بالطيب..ياطيّب الفال
"والرّد..واجب..والرجاء ماتردّه"
تستاهل أغلى من الجواهر..والأموال
صدق المشاعر..والغلا..والمودّه