|
اقتباس: |
|
|
|
|
المشاركة الأصلية كتبت بواسطة هلال الشعر |
|
|
|
|
|
|
|
السلام عليكم ورحمة الله وبركاته
ضيف محب للإبداع وأهله
وصل إليكم بناء على دعوة من الأستاذ الكبير /جابر السلمي
أتمنى أن أكون عند حسن ظن الجميع .
إليـكم مع التحيـة ,,
متواضعة , أتمنى أن تنال رضاكم واستحسانكم ,
مدخل
تعال ارقص على انغام القصيد اللي كتبته فيك=أنا لولا غلاتك ماكتبت الشعر وابياته
زرعتك في بساتين الأمل نهر الوفا يسقيك=بنونك هادم اللذات وبنظرتك بصماته
قـــصــــة غــــلا
ياربْ عفوك . ياغفور . ويارحيم . ويا ودود=يسألك من يعلم بأنه يوم لاقي مصْرَعِهْ
يسألك حُسن الخاتمهْ . موتةْ شرف . لحظةْ سجود=متمتع بعمرهْ لحج العفو غايةْ مطْمَعِهْ
وإلا بساحات الوغى . ضد النصارى واليهود=رضاك غايةْ مطلبه وحُبْ الشهادهْ يدَفعِهْ
رباه من للمذنب العاصي بظُلْمَات اللُحُود=رباه مَنْ يقْدَرْ بعد موته بدونك ينفَعِهْ
الشعر ديوان العرب والناس للجزلهْ شهُود=لكن نذكر باختصار اثنين من أصل أربَعهْ
شاعر يغُوص البَحْر يستخر درر ينظم عقود=وشاعر كما قال المثل ماودك إلا تصْفعِهْ
بسم الغلا ظبي الفلا مايرحم قلوب الأُسود=والعاشق المغرم ترى قلبه ماتحميه أْظلعِهْ
الغالي اللي لاغلا صافي ولا كله صدود=اهديت له قلبي وطن واقفى وشوقي يتبعِهْ
مدّيت له حبل الوصل والعُود في عين الحسود=مدري زعل وإلا جهل في كل مره يقطعِهْ
وحدايق الصبّر الجميل اسقيتها غيث العهود=وبنيت له بيت الأمل مادري وش أخرها معِهْ
في غيبته بيض الليالي حالكهْ بالحزن سود=وليا حضر لو دوم عيني تنظره ماتشبعِهْ
أحيان يقفي واعتقد جازم بأنه مايعود=لكن في لمح البصر يرجع وتنْهَلْ ادمُعِهْ
فيه الحيا فيه الوفا فيه التواضع والركود=جمال طاغي دين واخلاق وأدب مُتْجمعهْ
الطرف والمبسم هلاك القبر مابين النهود=سحر البيان ليا تكلم والسوالف مُمْتعهْ
جمر الشفايف سالفهْ عنوانها ورد الخدود=وليا انتثر شلال ليله بالأنامل يرفعِهْ
يهدي لي أشواك الفراق وينتظر صبري ورود=والحلم قبل يصير علم أعمى عيونه باصْبعِهْ
قصةْ غلا ماعشتها واقع خيال بلا حدود=عند المنام استقبلهْ وليا صحيت اودعِهْ
قلت العواصف ماتهز النايفات من الحيود=ازرع لأنك في النهايهْ تحصد اللي تزرعِهْ
يارب سترك . يارحيم . وياغفور . وياودود=لطفك . وعفوك . قبل أبو هايل يلاقي مصْرعِهْ
هليل سليمان السلمي
دمتم في حفظ الرحمن
|
|
|
|
|
|
هلال الشعر حياك وحيا مصافحتك
اخي العزيز وحيا من كان السبب في تواجدك
بشفقنا فألاخ جابر مبدع وانتقائي ان كان في الشعر
وان كان في الاصدقاء اخي هلال ليس بغريب عليك الابداع
اتمنا ان لاتبخل علينا بكل ماهو جديد وجميل صحيت وصح نبضك
ولافض فاك واجدد الترحيب
كان هنا رمضان المنتشري