هيه يانفسي من الذنب توبي واقلعي =الله اعلم كم بقي لك في الدنيا سنين
كل ماجيت الفراش اتلمس مضجعي = أتذكر رحلة العمر ويزيد الأنين
راح نصف العمر واللي بقي مايندري = لكن المشكى على الله رب العالمين
قبل هذا اليوم طعتك ولكن اسمعي = بعد هذا اليوم معاد لك حبلٍ متين
غير حبل الله ليتك الى الله ترجعي = قيل ماياجيك سهم المنايا واليقين
كم ستر ربي وكم من ذنوب تجمعي = والعمر قفى ولا عاد به شيٍ سمين
اطمعي في جنة الخلد تكفين اطمعي = وش تبين بدنيةٍ شرها ماله ضمين
كان يانفسي على الخد سيل مدمعي = ارشدي ساقي لجنات رب العالمين