طق الاصابع
*
ذكرى الغرام وجنّة الغي والتيه = بالقلب نار وفي عيوني زوابع
انا الذي جاب المعاناة بأيديه = حتى غشى وجهي من الهم طابع
زرعي نزل فيه الجراد وعثا فيه = وديار خلق الله خصاب ومرابع
على معاناتي تجيني مشاريه = احساس من قلب اصدق الناس نابع
وشلون اهين النفس واتبع مماشيه = ودّي بقربه بس ما اكون تابع
ابعد ومن دونه سراب ومهاميه = ليته من الجيران لو كان سابع
قلبي مع الاشواق يمّه تودّيه = خلّي دعاه و طق له بالاصابع
احاول انسى مار ما نيب ناسيه = تجمّعت ذكرى الهوى والروابع