##
سكر الدنيا .!
*
عشقٍ لك الله يا قمر حيل واصلك
طالب إيدين القرب والأمنياتي
تكفى ياروح الروح ربي يجملك
أرجوك لملم في غرامك شتاتي
عيني غدت في كل لحظة تغازلك
لأنك سرقت بنظرة العين ذاتي
شفني على كثر الألم ما ابادلك
بالصد والهجران والعلم يأتي
مجنون عاشق خلني حب قايلك
للبحر والدنيا وحتى والمماتي
في وسط بيت الحب يا خلّ شايلك
فكرة جميلة فيها كل الصفاتي
بالعطف والإحسان دايم اعاملك
والصد يا محبوب مو من سماتي
مجنونك آنا احيان وأحيان عاقلك
حيٍ لك الله وفيك معلن وفاتي
مرات اسولف مزح ومرات أزاعلك
عشان اذوق بصدق طعم الحياتي
يا كيف يجيني النوم والضيق قاتلك
يا سكر الدنيا وبسمة شفاتي