علامك يا بعدهم ؟!
*
تكذب في المشاعر والهوى ليه
علامك يآبعدهم مانت رايق
عرفتك عذب والكلمه تحليه
مع انك حلو عن كل الخلايق
تشكك قلب في قلبٍ مسليه
نسيت ان الزمن يبدي الحقايق
ترى كثر العتب والبعد مبليه
الين القلب أصبح غير لايق
نزف جرحه وجرحه ما يخليه
يشوف الزين في تاليه بايق
مع جرحه تخيل يوم يصليه
رهيف الشوق في شب الحرايق
زمن غادر زمن كُثره يجليه
ربيع الوهم يغلب كل طايق
نصيحه لك تزيد العشق واغليه
وخل الود يكبر دون عايق
تراك العذب والاوصاف تحليه
تخلي الخلق فـ سروحك توايق
تعاند في المشاعر والعشق ليه
علامك يابعدهم مانت رايق
علي المنتشري 9/11/1433هـ