عاشر وخاشر ..
*
عاشر وخاشر واجعل الهم نسيان
واصبر على مافات وادفن دياره
وعش وارق واتغلب على كل طوفان
واسعد مع الايام ليل ونهاره
عمر الزمن ماقال وين انت يافلان
ولاعمرلك جاه والا عماره
وعمر البشر ماتحتوي كل انسان
مادام هاجد للحزن واستخاره
شف في ديارك كم سقيمٍ ومرضان
وكم شقيٍ فات منه قطاره
وكم من غنين عبد للفقر مابان
ماله وفرحه تحت سقف وستاره
وكم فقيرٍ عاند ايام وازمان
وراسه مع العليا موثق جداره
دنيا لها في كل الاحوال شكلان
حزن وفرح واختار كلٍ مساره
علي المنتشري
26 /8