الطيب يكسبني قبل لا اكسب الناس!!
*
الطيب يكسبني قبل لا اكسب الناس= والطيب خصله خصها الله فيني
من صغر سني وطيبتي ترفع الراس= كلي شموخ وعز نخوة تجيني
دايم امني نفسي بكل نوماس =من طيبتي لمسة حناني بيديني
ماغاب مني طيب القلب باحساس= كلي مع اللي بالمودة حنيني
وشعوري انزف حسه بكل كراس =واخط بحروف الوفاء لي تزيني
مالي ومال اللي مغير مع الناس = وانا شموخي مرتفع فوق عيني
ماهمني من قالو الناس لاباس= همي صدوف الوقت لا تبتليني
اضحك ولي قلبٍ من الطيب حساّس = ماحمل ضغن في داخلي والونيني
انظر جميع الناس بالود باحماس= فيهم شموخ وعز دايم يجيني
هذي هي الدنيا توريني اجناس =حيٍ يطيب وحي شينه يبيني
من رابع الطفجين لابد ينداس= ولا المواجه بالحكي ما يهيني
جربت انا الدنياء على كل مرواس= واثبت ان الناس تعجز تهيني
راسي شموخة عالي بصدق ماداس= على دروب الشين انزه يديني
منزه من كل خاين وهماس= اصلي من اللي بالشجاعه يعيني
كلي عزوم ونخوتي ترفع الراس= ما احنيه غير لربي وفرض ديني
ساسي عريق به طويلين الانفاس= ماخاف من كلمة بحقي تبيني
حنا من اللي عرفنا نقطع الراس= قولي مثبت من رحل لا يجيني