السلام عليكم ورحمة الله وبركاته
يبدو ان قصيدتي السابقة
لم تعجب البعض
ولكن هذه تعويض لهم واعتذار
يا موتري من صباح الله معك خفه
مدري مع الصبح وين انت مودينا
بـغـيـتك تـلـف وانت معـدي اللفه
كنك مع الغيم ناسيها وناسينا
ان كان مغريك ابو خطين مصطفه
ما ودك انك تروح يسار ويمينا
ماني مزعلك في وجهي من الحفه
حنا من الليل شوف البرق مغرينا
اشوف برقٍ سرى رفه بعد رفه
ان كان ودك بشوفة ماه يمدينا
بعد اتفقنا وجات افكارنا صفه
لاشك نبغالنا ثالث يخاوينا
حتى يصير اول الرحلة كما الزفه
واذا وصلنا نهايتها يسلينا