نسمة حزن..!
علامِك ياالسحابه غايمه ما تمطري الهتان
تعبت أتخيلِك وأتأملِك حتى أجدب الناظر
يقولون العرب زود النظر ما يروي العطشان
وأنا أقول النظر يروَاااك حيل ويشرح الخاطر
بدا وجهك على ضو القمر كـ الهايم الزعلان
عسى ما لامسِك شوفي وجرح فاهِك الماطر
يخاصمني العتب حتى انفجر من شدة الكتمان
عسى ما جفف مــــــــــــزونك كئَابة بوحي الساخر
أنا طفلٍ كئيب/ الصد (بيه) و(أمه) الحرمان
عسى ما بعثر غيومك أنيني وحظي العاثر
أنا الحلم الكفيف اللي انثروه بسكة الخذلان
عسى ما توهك حال الضرير بصبحك الباكر
أنا ذاك السراب أجرم بحق الضامي الولهان
عسى ما طاولِك جرم السراب بلونه الساحر
أنا من بُنيت أحلامه وهَم في ...عالم النسيان
عسى ما شدك الماضي ونسيتِ وقتك الحاضر
أنا كومة مشاعر من حزن شاعر بن السهمان
عسى ما صابتِك نسمة حزن غطت سما الشاعر
أنا شاعر زرع حرف القصيد .....وطلعه القيفان
عسى ما سببت بعض الجروح لطيفك السامر
(أنا وعسى) على هـــــ الحال لا. يومٍ ولا. يومان
تضاعف كثرة الأوجاع وأزرى....عدها الشاطر
كتبتك يا السحابه واتخذتك .......للهدف عنوان
جلدت الذات من شانه ليصبح ....حظه الوافر.!