انهيار الجليد
*
ذاب صخر الصبر ونهار الجليد=من على روس الهضاب اللي رقيت
استثير الليل ياخيل القصيد=لاتخلي النجم يغفى لاسريت
انت وينك لابعيد ولا قريب=انت وينك لنت حي ولا انت ميت
وياصديقي لاتطالبني الجديد=والله اني لاخذيت ولا عطيت
وكان تبغى الصدق والقول الكيد=الحقيقه ياصديقي كيت كيت
العمر يركض على سكة حديد=بين لو وبين كان وبين ليت
والزمن ماجا على مبغى واريد=والسعاده ماتجي في كل بيت
يوم قااالو الناس باكر يوم عيد=كان ودي الظحك ولكني بكيت