بنت الشيوخ!
*
انكسار النور بعيونك جريمه=واعترافك بالجريمه امر وادها
للمرايا للتواريخ القديمه=من يقول ان البلد هذا بلدها
انبلاج النصر من رحم الهزيمه=جذع نخله ديش وتساقط رغدها
مع نديم الفجر لاذعذع نسيمه=واخطلط بانفاسها بارد شهدها
احترق يالعود لجل اعيون ريمه=كل ماويق على الجمره بردها
العلاقه يالخوي ماهي حميمه=والسحايب برقها يسبق رعدها
للعظيمه اللي مزاياها عظيمه=الصداقه بنيها اولى من هددها
الكرامه عز لو ماهي كريمه=قرها راس الهرم والا جحدها
صفحة التاريخ ماتشهد ظليمه=ماقتل بنت الشيوخ الا ولدها