هذا انا انا انا انا ..!
*
ياصاح لالا تنزعج طبع الزمن هدم وبنا
..................حنا خلقنا للشقى ومجابة اضروف الحياة
اما كذا كذا كذا من يزرع البذره جنا
.......................والا كذا كذا كذا ميت ولو مابعد مات
رغم انف انفك يالزمن هذا انا انا انا
.................مثل الجبل ماهزني عاتي اعاصير العداة
مالت بنا الدنيا كذا والا كذا مالت بنا
....................والله مااحني هامتي الا فاوقات الصلاة
وان شفت لك راس انحنى ماهو براسي اللي انحنا
.................انا لك الله هامتي اثبت من اجبال السراة
هذاك غيري اللي دنا دنا دنا
...................حتى جبينه من دنوه قبل اشراك الحذاة
الله يجنبنا علوم الذل ودروب الدنا
.وش عاد ون راحت وجات اش عاد ون راحت وجات
من لاوطى جمر الفقر ماحس فـي بـرد الغنـا
........ومن لاعرف معنى السهر اش عرفه قدر المبات
ومن لاتعرض للعنا مايعرف اش معنى الهنـا
.....ومن لا عرف معنى الرجوله عيشته عيشة بنات
والا انا من عادتي ماعد من لا عدنا
...........واجل من مثلي( على ) عن الامور الهينات
الطيب ورث اجدودنا وانا وريث اجدودنا
.......وان شانت اضروف الزمن اطوع ارقاب العصاة
ماقول محدن قدنا اقول نحمي حدنا
.............واللي طمع في حدنا يروح من زاد الرحاة
واللي قبلنا له عطى ملزوم يقبل ردنا
.......وكل(ن) على حسب اعمله ياصاح بلغه الوصاة