نقضة الغزل..!
*
قالت تعال وقلت ياشين حالك=مثلك كثيرٍ يخلط الجد بالهزل
البارحة كنت أتمنى وصالك=واليوم انأ ناوي على نقضة الغزل
ياكثر ما أفكرت أدور بدالك=وإلا ابتعد واغوص في عالم العزل
ظليت تلعب بي على مابدالك=وكتبت لك أبيات من صافي الجزل
ياما ترجيتك و قبل انفصالك= وقبل الغلط أرجوك ما ودي أزل
خل التمادي وحط شئٍ ببالك = إني تركتك لأجل ذيك المهازل
الحب مو يمك ولاهو مجالك=الحب صدق وود ما يعرف الخزل
لاتحسب انك يوم غرك جمالك=تقدر تبدل فرشك الخشن بالزل
واليوم انأ قفيت والمال مالك=قفل على نفسك أحسن وعزل