زدنــا الهـلا بعـــد التــحية تـــراحيب
لإبـن الــزعيـم اللـي بعــدلـه حـكمها
أعــداد ماشــقت بحــرها المـرازيــب
وأعــداد ما هــد المطـر من مـزنها
وأعــداد مــاكـز الشمـال الهبــاهيــــب
وأعــداد ما نسنــس نسيــم ورسمها
ومن يخـدم البيتيـن طيـب على طيـب
خـــادم بيوت الله وحجيــج بحـرمـها
يـا خــادم البيتيـن يا راحــم الشِيــب
في حضرتك تبرى هشـاشـة عظمها
وتطيب يمنى إلي عطبها المعاطيب
في مجلسـك تنصف من اللي هزمها
يا سيــدي يا ليــث حنــا اليعــاسيب
نحــمي عرينــك والعــدى نلتـــهمها
يــاسيـــدي مــرنـا لقــوم بتــلأبيــب
مـدنســيـن القــدس حنـا نحـجـمهــا
ننصا ظهـور مجنـزرات الرعـابيب
مرنـا نــدك حصــونهـا ونقتـحمهـا
ونسبـي هــدايــا للمــهات المنــاقيـب
ومـلك اليميــن إن كــان جبنـاه منها
يــا سيــدي ما للــحمـاقـة تطـابيــب
قولــة حكـيــم وحكـمتـــه نـفتــهمــا
حنا الحـوازم لا طريت الســراديـب
تلــقى مـع خضــر البيـارق علـمهـا
الشعـر قـول وفعـلنــا نـرمح العيـب
نرقى المصاعب وحسبنا نحتـزمهـا
حنا الحـوازم من رعـاة المـواجيب
ما نغتنـم فــرصة ولا نـدور غنمهـا
نـأتي بهـا مـرغــومة في جـلابيـب
نقـفي بـأثـرها نجيبـهـا مـن عــدمها
بحشمة وحكمة مجنـبين العـذاريب
يــوم جـدنا في دجــمة هـو حسـمهـا
من يومهـا والذئب يخشى العواقيب
أســود الشـرى منهـو يهــدد حرمهـا
من فعلنا سلـكوا عــدانــا العـراقيب
جـروا الهــزيمـة مســودات بعـممها
بالمرجلة نشرق ونغرب عن العيب
نربى شجـاعة ونحتسـي من كرمها
وحنا لصـروح العلـم فينـا المعازيب
وفينا قــروم خطـوبـهـا من هممهـا
ما نبتغي بالمـدح فــرتٍ ولا جيــب
بعــزة نفـــوس راضيــات عـدمهـا
بعـزومنا نصمـد صمـود الغـرابيب
نـرقى المنايـا ولا رحــم من رحمها
حنا صلاب الرأس حنـا اللــهـاليب
وفي دار أبــو متعب حـمـاة لحرمها
حنــا إذا نـادى المنــادي لـه نجيـب
فـزعة عصيــره للعـداء نغـتـنـمـهــا
محسوبة من قوم ماهي تراكيب
وحســب الشجـاعة قــادةٍ نحترمهــا
شعر /عبد الرحمن أحمد الحازمي