عطر الكلام
،
في صدري اسراب تِتْماوج بعطر الكلام
وفي قلبي المحتفل /بركان ثاير سرور
مدّيت يدّيني اقطف من ثمار الغمام
لقيتني / بين غيم ابيض وراعد ونور
(ياسارية خبريني ) عن غصون البشام
عن قلبي اللي تعلق في مكانه / زهور
عن نبضي اللي مصاحبني على مايرام
عن شيّ احسّه يساورني / ويأبى الظهور
خاويتني يا شعر/ يمكن ثلاثين عـام
أو يمكن اني مسافر معْك / مثل الطيور
ليه الخيانة!!! وانا جابر كسورك تمام؟
قم ! واعسف الغيم واسمح للحناجر تثور
ما تذكر اني نثرتك للمواجع/ سهام
وكم كنت تملا الكراسي بالسعادة / حضور
هذي يديني/ مليْت ابْها عظيم السلام
بيّضت وجهي ! / عسى صمتك لبوحي طهور!
كبرتني في عيون الناس / في شكل عام
من قمّة جْبــال/ عدّيت السحايب عبور
هنا!!(ثلاثة) نجوم ومتّسع للزحــام
في قلب دمّه بياض / ومفرداته عطور
لكنّ مازال في صدري سحاب الكلام
أكبر من الشعر / واعذب من أرقّ الشعور