محتاج راحه
محتاج راحة / هروب/ انفاس / اغيِّر .. هوا
تعبت والله ورب البيت من كل شيّ!!
احاول اوجد/ لتيار استلابي/ دوا
للصمت حادي /ولآخر جرح ماطاب كيّ
ا هيم انا /والمشاعر /واغترابي/ سوا
حتى التقي / بـــاخر انْفاق المعاناة ْ ضيّ
بعثرت نفسي هنااا وهناااك قُرب و نوى
فلّاح من ماي صبْره شَكَّل الغيم فــيّ
كنت انزع الطلح وازرع ورد لين استوى
وانساب عطر المداين من موارد يديّ
لوكان كَوْني "مقدّس" مثل وادي طوى
كان البشر ماكَلَت لحْم الأحاسيس نيّ
أدري! "لكل امرئٍ فينا على ما نوى"!!
لكنّ مدري متى يبقى؟!صبا الحِسّ حيّ
احيان يُنـْهِكـ هروب الشخص كل القوى
ويزيد واقع حضوره سِرْب الاحلام/ غيّ
ما كل نــَجــْمٍ إذا ما غاب قلنا : هوى
قل: يمكن ان السما ضاااقت ويحتاج ميّ!!
واناامتداد الطقوس... الموغِل المحتوى
بالصدر زفرة / لعل الوقت يرضى عليّ
محتاج راحة / هدووووء/ انفاس / اغيِّر .. هوا
تعبت والله -ورب البيت- من كل شيّ!!