حلـــــــــــــــــــــــــم أخــــــــــــــــــــضر
تهجّيت الطريق/ اللي تمشّيني عليه .... خْطاي
قريتك فالطريق / حروف قلبي .. وانك بْلادي
سكنتك/مثل ما يسكن سحاب الغيم/ قطر الماي
وقبّلت الجبين / اللي عطاني / أجمل اعيادي
وطن عمري /.. جمال الكون احسه وانتي بْدنياي
عسى الله لا يبـدد فرحتي / بعيون حسادي
انا قبل التقي بك/ كنت فاقد للطريق / ضياي
وكني معطي لفية جفوني / خيمة سهادي
اقلّب في وجيه الناس/ ادوّر بينهم / ليلاي
وكنتي جالسة / بين الضلوع / لحين ميعادي
ويوم انّي لقيتك / كل حلم اخضر مغادر / جاي
زرع لي ( فالدروب القاحلة) بستان / من كادي
وعطرتي حياتي/ لين بدّلـت زْعلـي / برضاي
عن الوقت / - المعاند فرحتي - من يوم ميلادي
يسافر بي حديث الروح/ منك / من اولي لاقصاي
على نرجس حنانك / و ابتسامة بوحك/ الهادي
واظل احكي معك/ وانسى سواليف المطر والناي
واعــود اذكــر طريقٍ / كــان قبل بدايته عــادي
لقيتك فــالطريق/ اللي تمشيني عليه خطاي
وعــرفت اني تهجيت الحروف / و صرتي بلادي