سؤال...... مطروح
جرحي ! علامك ! من سنة ما تكلمت؟
في داخلي ..... تملا سديم السما بوح
ضميتني و اضميت بي سكّة الصمت
القاك قِبْلة ْ هاجسى وين ما اروح
تذكر على شاني لحالك / تألمت
واذكر على شانك / تماديت بالنوح
سراب كان الصُّبح .... لو كذّب السّمت
حنين كان الحرف .... في صوت مبحوح
ماقلت لك .... لي خمسةْ أيام ما نمت!!
صاحي / واعاااتب قسْوة الروح .... للروح
شوف الشظايا فالجسد... لو تكرّمت
ما يكفي انه حقل آهااات و جْروح!
جرحي ... و انا مع نزف جرحي تأقلمت
صار الهديل ... وصرت له/ وارف الدوح
"مرّت سنة" يا كُثر في خاطري حِمْت
و ياكثر ما في عيني.... البارق يلوح
شفني على طاري مطر عودتك.. قمت
ما في حديثي غير مسموح .... مسموح
قل لي ! علامك من سنة ما تكلمت؟!
سؤال يبقى طول الاوقات .. مطروح