وادي من الحــزن
وادي من الحــزن باعــمـــاقي مســيــطــر عــليّ
سيله جَــرَف كل شجْرة تكتسي بالثمــار
كنت اتعشم مطر يروي ضما القلب لـي
صار الغشين استغاثة ! والهروب انتحـــار!
تدرين ليــه انحــدر دمعـي وفـــاح زْعلـي؟!
لأن انــــا من تهـــوّر واتخــذت الـقـــــــــــرار!!
القلب شوفيه ....باحزان الشقـــا ممــتــلـــي
إما تصيرين جــنّـــه /أو تـصــيــرين نـــار!!!
حراااام يبقى كذا تاااايه كئيب وْخلي
وانتي ضيـــا قـــلــب / لا جيتيه شــعّ النهــار
وين الدفا والمشــــاعـــر والغراااااام الجلي؟
لو اقدر انساك ماكان الذي صار.. صار
سحابة الحزن صاحت : آآه كيف انجلي؟
والـــوادي اللي تحــــــدّر مـــــاه مـــــلّ انتظار
سألت عنِّك !! ولكن.... ليه ما تسألي؟
ما تذكرين السوالف ؟ والغلا ؟ والديار؟
كنّي بجرحك تعمّق بآخري واوّلي
انا هنا للدوا جاهز ..... و طلاب ثار
ما هو بثار انتقام ولا سِفَه جاهلي
الا على شان ينزاح القلق والحصار
وادي من الحــزن يا قلبي يســيــطــر عليّ
متى يجف الحزن ويصير بوحي خَضَار