حكاية غرام
،،
،
جيت اوّلي عشق وآخر منتهايه غرام
واهديت ممطر سما قلبي لمن يعشقه
ظنيت! لكن ظنوني بعثرتني حطام
ياكبر جرحي إذا ماصرت فاقد ثقه
في نبضي اللي تشجر برعمه لين هام
واعطى دروب الذبول اغصانه المورقه
سـراب يبني علــى حــزن المواني خيــام
واسراب هجرةْ وطن يم الفضا تسبقه
دام المداين كئيبة ! والأماكن ظلام
والصمت طاغي على بيبانها المغلقه
صحّيت سِكّة سفر قبل اغترابي ينام
واسكنت بوحي سما الحريّة المطلقة
كم غيمةٍ هدهدت جرحي مطر و التئام
لـيـن اعتبرت السحــــــــابة / أُمِّـــي المشفقه
لا صارت التجربة ما هي على ما يُرام
والحظ عاااند و يجبرني على منطقه
سالت من القلب دمعة واستحال الكلام
حتى وداع النوارس !! ما قويت انطقه
سافرْت بك يا وطن عمري "حكاية غرام "
في داخلي صوت صاخب : ما يزال اعشقه...