بوح الشرايين
تحت الضلوع العُوج / باقْصى عذابي
تكمن بقايارحلة انسان و عْتاب
يسكن حنايا الجوف/ نزف اغترابي
وأحلام /و وجيه/ وشبابيك/ و ابواب
مرات اقول ان السبب في غيابي
و مرات ابرر ما طرا لي مِنِ غْياب
لقيت كـل اللي بقى من زهابي....
دمعة/ و حزْن /و جرح مبطي ولاطاب
مبطي... وانا اشيل القلق /في ثيابي
من وين ما وجّه / معي زحمة اصحاب
لا وين ماخذني معك يا ذهابي؟!
الدرب موحش/ والسمـا نجمها غاب
ليت السما ... تمطر بقايـا سحابي
حتى يجي نبت الثرى عشب واحباب
وياليتها !!! تقرا سطر من كتابي
من سالفة بوح الشرايين .... لكتاب
كم لي ؟! وانا اقول ابتدى وانتهى بي
هذا الحنين / لماطر القلب... منســاب
حتى سكن باقصى ضلوعي/ عذابي
ضيف يتهجاني من الباب ..... للباب