[TABLE1="width:95%;background-color:black;border:6px inset red;"] انا كل مره اسافر الي دبي بالطياره مع اهلي لكن هالمره قلت لهم نبي نروح عن طريق البر قالوا شارتك وهداية الله اليوم احط لكم تصويري لخريطة الطريقه من لحظة خروجي من دبي للعودة الي السعوديه سوينا شك اوت من الفندق الساعه 12ومسكنا الطريق انا واخووي نتبادل السواقه المهم اخوووي مسك الطاره حشى سامري وكان نمشي وانا ماسك الجالكسي تاب واصور المناظر ليتني صاير صحفي واصور يمين ويسار المهم الصور تتكلم بسم الله الرحمن الرحيم لايكون مسكونه احس اني في دوله اوربيه ماني في احد دول الخليج دبي كل مره نجيها تتغير عن ذي قبل المهم اخووي نايف قال لي سعود وش رايك تسوووق الحين احس نفسي تعبان قلت له عاد انا تعبان ولا عقرب المهم مسكت انا الطاره وكان اقول تنكس وراء العب وانا حاط لي حق الاتجاهات علشان يعلمنا خريطة الطريق واللي تتكلم وحده اسمها سعيده تقول يمين نروح يمين يسار نروح يسار المهم وهالبرنامج نفعنا كان يوضح لنا انه في كاميرا تصور اللي يتعدى السرعه القانونيه صراحه ماتاخذ راحتك بالقياده من كثر الكاميرات كل اشوي تخفف نعدي ادعس 140 نقرب اخفف 120 اسوي فيها عاقل المهم انا حاط بالي على مخرج الغويفات وماكان واضح وعديته وسعيده تصارخ علي تقولي وين رايح رحت ابوظبي ههههههههههه واستلموني الاهل تهزئه مسوي نفسك تدل كان ماركبت لك هالبرنامج وبعدهاقالت لي سعيده اول منفذ يسار ارجع منه وطلعتني على جسر المقطع وبعدها جات لوحة الغويفات وماشاء الله كان الجو ممطر وكان الطريق مافي زحمه اخووي نايف يمسك الطاره وانا اصور والاجواء والسحب كان منظر جمالي حلووو وامشي وكل من شفت لقطه ابي اصورها قلت نايف امسك الطاره واصور لين وصلنا الغويفات مطر ويوم دخلتي المنفذ حقنا البطحاء عينك ماتشوف الا العجيج وكان ابلع العافيه واخفف السرعه وكان اقفل على التصوير الحياة حلوه بس لازم نفهما ولين وصلت الهفوف والعجيج مستمره والحمد الله انه وصلنا بالسلامه [/TABLE1]