( اطياف الوجود )
/
مصافحه اولى
انتظرته قلت يا علّه يعود
والعيون من انتظاره تدمعه
غاب ماكن له ايّة وجود
غاب وايام الفرح غابت معه
اشرقت ذكرى الحنين وبانت اطياف الوجود
وانتثر في الجو الأزرق نور شع الذكريات
يا صباحي انتظرته قلت ياعلّه يعود
والعيون من انتظاره ك الغيوم الدامعات
ما درى إن بغيابه تذبل انفاس الورود
ويستقي عشب الحزن وتنبت اشواك الشتات
آآهمن سجن الليالي لو سهرته والشهود
دمعتي خلف المشاعر تنطق الآه بسكات
احترق وادفن رمادي بين طيات البرود
واشعر إني لو نسيته يشتعل فيني الممات
خايف اقتل روح وانسى ذكرياتي بالصدود
والتفت والقى عذابي في ملامح لوم آت
ويش بجني والهواجس طرد واشواقي وقود
والسراب اللي اشوفه جف زول الأمنيات
ساحة افكاري ضبابه هم واحزان وشرود
والتقاسيم الثلاثه كيف بالأفكار جات
الدقايق والثواني بيض والأيام سود
شفت صدر الوقت يحسب كل ما قد فات فات