والله .... لو حلم الطفوله كفايه
ما كنت ياطيش الطفوله على البال
ترسم على خد الزمن للنهايه
وتضائلت رؤياك في حبة الخال
واحلامنا ضاعت ولا فيك غايه
تصدّها الخيبه ولا ردّها الفال
وابليت يالحلم الطفولي سوايه
فكرت مثلي ما تبلّيت رجال
واثر القلوب اعطيتها من شقايه
واوكيتها صاع الشقا مدّ .. وكيال
اذكر ... وانا ... ذكّرتها بالحكايه
سوالفٍ كانت على طيش وهبال
تبسمت بين الخجل ... والنكايه
وتنش دمعٍ طاح وبـ خدّها سال
يالله ... وانا طالبك ... هذا رجايه
تحفظ عيونٍ من ورى الشال تختال
كبرت ... وانا باقي بذيك الغوايه
احبها ... واموت فيها ... ولا زال
والناس ... ما تدري .. بسبت بلايه
وانّي وانا من صغر سني بـ ذالحال
اكتب قصيدة حبها ... والروايه
ادسها ... بين القوافي ... لعذال
ويفكرون الشعر .... عندي هوايه
وامارس اشعاري على ماضي اجيال
والله ... لولاهـ الهوى .... بالبدايه
ما كان في صدري من الشعر مثقال
وما كان شبيت العنا بـ ارتضايه
واحرقت قلبي بالتعب والتعلال
لكنه اللي خذ من الحسن آيه
وذيك الطفوله والرجا والتوسال
ماكان .... فينا للمحبه وقايه
ما غير عشاقٍ ورى ظل مقيال
ليت العنا ... ما له على الودّ رايه
وتمضي قوافلنا على درب الامال
تحياتي لكم ،،،،
عصي الدمع
12/16/ 1435 هـ