سيرة ملاك!!
ما يعاندني القصيد ولا..... عصاني
كل ما قلت له يا الله؟ قال فــكره
***
ما دعيت الشعر لا والله دعاني
ما وصف غير الملاك وبان طهره
***
صار مثل الشهد ينقط من لساني
لا لفظت اسمه ولامن حل ذكره
***
إيه يا بهجة حياتي يــــــا حناني
ما اسكرالشاعر يكون نسيم عطره
***
من هو اللي غيرها يملى عياني
غيرها ما همني ما أعليت قدره
***
إن نسيته يوم ما عمره نساني
عايش(ن) هزاع في قلبه وفكره
***
يا بحر تسبح على متنه السواني
لا على موجه يطوف المد جزره
***
يا شروق الشمس يا بسمة زماني
يا قمر خمسة عشر لا زان بدره
***
يا رفيف الماي وقت السيسبانــــي
يا الغمام اللي تناثر غيث قطره
***
يا شبيه الصبح يا البرق اليماني
يا بساتين انبتت جورًي زهره
***
يا المليكه اللي جواريها حساني
يا العفاف اللي يباري الستر خدره
***
يا الشموخ المعتلي فوق المبـــاني
من رفع رأسه يناظر مات حسره
***
يا الطموح اللي كبر وسطه كياني
لان فكري نابع (ن) من طيب بذره
***
يا مرقًص كيهنوت المـــــوبذاني
يا مروًض من نوى بالكيد غدره
***
يا مجنًني وبالغ فـــــــــــــــــــــي جنانــي
يا مخلي الجن عقب اثنين عشره
***
يا مورًدني السعاده ما .....كفاني
كان قلبي ما تحًمل؟ زيد بُصره
***
أدري أدري يا حياتي العمر فاني
والرجا في خالقي واطلبه ستره
***
أنت بُعدك من سياط الصولجاني
عاد ما يرضيك لو ينساط ظهره
***
والله أني مثل ما شخصه هقاني
احفظ المعروف لا ما ذيع سره
***
ذاك من حبه تعلًق بالمحانـــــــي
ما يفك المبتلي به غير قبره!
بقلم (الهزاع)